Masek ez ditu hauteskundeak aurreratuko eta kontsulta A9an egingo da

Francesc Homs Kataluniako Gobernuko bozeramaleak ziurtatu duenez, Artur Masek ez du aurreikusi hauteskundeak aurreratzea eta baieztatu egin du kontsulta azaroaren 9an egingo dela.

"Eskuartean daukagun hipotesi bakarra kontsulta egitea da eta ez hauteskundeak aurreratzea", esan du Homsek Consell Executiun parte hartu eta gero.

Gainera, kontsultaren deialdiaren inguruan "kabalarik" ez egitea eskatu du eta, azpimarratu duenez, Kataluniako Gobernuaren asmo bakarra gauzak ondo egitea da.

Halaberm ez du zehaztu zelan egingo den dekretuaren sinadura ekitaldia, baina azpimarratu du Gobernu kataluniarraren "lehentasuna ez da" eszenografia.

Horren ildotik, Homsen nabarmendu duenaren arabera, Masek igandean esan bezala, asteon espero du kontsultaren deialdia egitea, Generalitateko Aldizkari Ofizialean publikatu eta gero.

Oraindik ez da legea plazaratu, baina Homsek esan du beti atzeratzen dela egun batzuk, Parlamentuko eta Generalitateko zerbitzu teknikoek eta juridikoek testua aztertu eta itzuli behar dutelako: "Ohiko epe zentzudunaren barruan gaude".