Politika
Katalunia
Erredakzioa
Kontsulta deitzeko erabakia Kataluniarena da, “inolaz ere ez” auzitegi batena, Konstituzionalarena. Azken hori ez du “legitimatutzat” ikusi, eta “guztiz politizatuta” dagoela adierazi du.
Carme Forcadell Kataluniako Batzorde Nazionaleko presidentea. EFE
Carme Forcadell Kataluniako Batzorde Nazionaleko presidenteak ostiral honetan esan duenez, azaroaren 9an kontsulta deitzeko erabakia Kataluniarena da, “inolaz ere ez” auzitegi batena, besteak beste, Konstituzionalarena. Azken hori ez du “legitimatutzat” ikusi, eta “guztiz politizatuta” dagoela nabarmendu du.
TV3ri eskainitako elkarrizketan, Forcadellek hitz horiek esan ditu Gobernuak kontsulten legearen (irailean onartuko dute Parlamentuan) eta erreferenduma deitzeko dekretuaren aurka aurkeztea aurreikusita dagoen helegitearen inguruan.
Forcadellek adierazi du prozesu hau “ez dela erraza” izaten ari, halere, “erabakiak katalanena eta haien ordezkariena” izan behar duela argi dutela nabarmendu du, “ez auzitegiena”.
Eskozian irailaren 18an egingo duen independentzia erreferendumari dagokionez, deialdia baloratu du emaitza dena dela izanda ere, “arazo politikoei irtenbidea politikoki jartzen zaiela eta ez judizialki erakutsi duelako munduaren aurrean”.
2023ko uztailaren 23ko hauteskunde orokorretako albisteak
orain albiste
albisteak
albisteak
albisteak
albisteak
albisteak
Kirola
kultura
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa