Ahal Duguk herri plataformak babestuko ditu udal hauteskundeetan

Podemos-Ahal Duguk, Pablo Iglesiasen alderdiak, ez du Estatu osoan aurkeztuko hautagaitza 2015. urteko udal hauteskundeetan, eta plataforma herritarrak babestuko ditu.

eldiario.es webguneak jakinarazi duenez, zerrendetan alderdiak egiaztatu gabeko hautagaiak sartzea galarazi nahi dute horrela, erabaki horrek euren hazkundea moteltzea ekar dezakeela jakin badakiten arren.

Hedabideak Bartzelonako kasua aipatu du estrategia horren erakusle gisa. Izan ere, Ada Colauk Guanyem Barcelona izeneko hautagaitza sortu du, eta Podemos-Ahal Duguk babestu egingo du.

Bien bitartean, Pablo Iglesiasen alderdia egitura propioa izateko lanean ari da.

Iglesiasen taldeak proposamen zirriborro bat igorri die militanteei, eta urrian erabakiko dute, asanblea fundatzaile batean.

Proposamenaren arabera, alderdiko burua militanteek erabakiko dute, boto zuzenen bidez. Gainera, afiliatu izateko 16 urtez gorakoa izan beharra dago.