Patxi Lopez, PSOEren Ekintza Politikoko idazkari berria

Erredakzioa

Pedro Sanchezen exekutiba osatuko duten sozialisten behin betiko zerrenda igandean baieztatuko bada ere, badirudi Patxi Lopez izango dela PSE-EEren ordezkari bakarra exekutiba berrian

Orria entzun Orria entzun

Patxi Lopez eta Manuel Chaves. Argazkia: EFE

Whatsapp
Whatsapp
twitt
Bidali
Esteka kopiatu

Albisteak (5)

Informazio gehiago (1)

BEREZIA: PSOEren berrikuntza prozesua

Patxi Lopez Pedro Sanchez PSOEko idazkari nagusiaren exekutiba berriko partaide izango da, eta zehatz mehatz esanda, Ekintza Politikoa, Herritartasuna eta Askatasuna idazkaritzaren ardura izango du.

Lopezek PSOEren zuzendaritzan pisu gehienetakoa izango duen idazkaritzaren ardura izango du, eta oraindik exekutiba osatuko duten sozialisten behin betiko zerrenda itxi gabe baldin badago ere, badirudi Lopez izango dela PSE-EEren ordezkari bakarra exekutiba berrian.

Berriz ere PSOEren exekutibako partaide izango da, izan ere, Patxi Lopezek orain arte Harreman Politikoen idazkaritzaren ardura zuen.

PSE-EEko buruzagiaren ardura berria "pisuzkoa" eta "mugimenduak egiteko tartea" uzten duena izatea nahi dute sozialistek, PSOEren iturriek jakinarazi dutenez.

Bestalde, 12 urtez PSE-EEko idazkari nagusi izan ostean Patxi Lopezek irailean utziko du kargua.