Politika
Gure Esku Dago
Erredakzioa
Atzoko ekimenak "agente" guztiei "pentsarazi" egin behar diela eta ez EAJri bakarrik azaldu du Ugarteburuk, "guztiak argi eta garbi interpelatu dituztelako".
Maiorga Ramirez eta Maribi Ugarteburu EH Bilduren ordezkariak. EFE
Albisteak (2)
EH Bilduk astelehen honetan azaldu duenez, Gure Esku Dago kolektiboak atzo antolatutako giza katea Euskadiko alderdi politiko guztientzat "interpelazio zuzena" da, erabakitzeko eskubidearen alde lan egin dezaten.
Maribi Ugarteburu eta Maiorga Raminez EH Bilduko ordezkariek atzoko "gertaera historikoari" buruz prentsaurreko bat eman dute. Organizazioaren arabera, "Euskal Herriaren historia garaikidean erreferentea" izango da. 150.000 pertsonek baino gehiagok parte hartu zuten.
Atzoko ekimenak "agente" guztiei "pentsarazi" egin behar diela eta ez EAJri bakarrik azaldu du Ugarteburuk, "guztiak argi eta garbi interpelatu dituztelako".
"Agente guztiek hausnarketa jakin bat egin behar dugu eskatzen ari zaigunari buruz", azaldu du.
Ugartebururen hitzetan, EH Bilduk "bere egin du eta interpelazioa bere gain hartu du", ondorioz, koalizioak "erabakitzeko eskubidea errealitate bihurtzeko bere eskuetan dagoen guztia egiteko konpromiso osoa" adierazi du.
EH Bilduko bozeramaileek "siglen gainetik" milaka pertsonek "euskal herritarrei dagokiela etorkizuna erabakitzeko eskubidea adierazi" dutela nabarmendu dute. Mobilizazioaren "aniztasuna" ere azpimarratu dute.
"Atzoko mobilizazioaren leloak aldarrikapena oso ondo laburtzen du: Geure esku dago, euskal herritarrei soilik dagokie geure etorkizuna erabakitzeko eskubidea", gaineratu du.
Haien ustez, giza katea "ez da egun bateko lorea izango", "arrasto handia" utziko du, eta "Euskal Herriaren erabakitzeko eskubideari buruzko eztabaidan ezinbesteko erreferentzia" bilakatuko da.
"Atzo osatutako giza katea ez dadila hautsi", esan dute.
2023ko uztailaren 23ko hauteskunde orokorretako albisteak
orain albiste
albisteak
albisteak
albisteak
albisteak
albisteak
Kirola
kultura
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa