Konstituzionalaren osoko bilkurak aztertuko du Otegiren errekurtsoa

Auzitegi Konstituzionalaren 1 zenbakiko Aretoak epaitegiko osoko bilkuraren esku utzi du Arnaldo Otegik, Rafa Diez Usabiagak, Sonia Jacintok, Arkaitz Rodriguezek eta Miren Zabaletak jarritako helegitea aztertzeko ardura.

Sei urte eta erdiko espetxealdian ezarri zieten Batasuna berriro eraikitzen saiatzea leporatuta.

Auzitegi Konstituzionalak Otegi eta gainerako auzipetuak preso mantentzea berretsi zuen joan den maiatzean.

Orain, Konstituzionaleko 1 zenbakiko Aretoak (horrek erabaki behar zuen Bateragune auziko babes errekurtsoak) auzitegia osatzen duten 11 epaileek helegitearen gaineko ebazpena hartzea erabaki du.

Osoko bilkurara bidaltzeak ez du esan nahi Konstituzionalak aste honetan erabakiko duenik, nahiz eta bihar hasi hurrengo osoko bilkura. Baina, edonola ere, ezin da baztertu, kartzelako agindu batean eragiten duen gaia baita.