Gure Esku Dago: 'Gure aldarrikapena ez da abertzalea; demokratikoa da'
Angel Oiarbide Gure Esku Dago ekimeneko bozeramailearen esanetan, erabakitzeko eskubidearen alde atzo Durango eta Iruñea lotu zituen giza kate jendetsuaren helburua "ez da indar abertzaleak biltzea; izan ere, gure aldarrikapena ez da abertzalea, demokratikoa baizik".
Horren ildotik, erabakitzeko eskubidea "erreminta demokratikoa" dela eta, "errepublika edo monarkia nahi duten hautatzeko xedez", Espainiako gizarteak ere eskatu duela gogorarazi du. Gainera, Ezker Batuak eta Podemos-Ahal Duguk, "Estatuko hirugarren eta laugarren indarrek", giza katea babestu izana azpimarratu du. "Gauzak aldatzen ari dira", iritzi dio.
Oiarbidek elkarrizketa eskaini du "Boulevard" Radio Euskadiko saioan gaur, 150.000 pertsonak baino gehiagok giza kate erraldoia egin eta biharamunean. Elkarrizketa horretan, euren helburua "sentsibilitate demokratiko ezberdinen arteko bilgunea sortzea" izan dela, eta Eskozian erabakitzeko eskubidea, "printzipio nazionalista bat" baino gehiago, "printzipio demokratikoa" dela nabarmendu du.
Oiarbideren ustez, gizartea "lokartuta" zegoen, "trabatuta", eta sentsibilitate askotarikoak elkartzeak "asko kostatzen zuen". "Hori gainditzeko, giza katea erreminta interesgarria izan zitekeela iruditu zitzaigun", erantsi du.
Plataformako bozeramaileak aitortu egin du oraindik ere "sentsibilitate ugari" ez daudela erabakitzeko eskubidearekin "eroso", baina "normala" dela esan du. "Ez dugu inor seinalatu nahi, herrialde gisa atzo bertan abiatu baikenuen demokraziaren bidea", esan du.
Demokraten arteko bilguneari dagokionez, "herrialde honetan hainbat nazio sentimendu daude", adierazi du. Horregatik, herritarren arteko indar metaketa erabakitzeko eskubidearen inguruan egin daitekeela ondorioztatu dute, "denon artean gure etorkizuna erabaki ahal izateko".
Oiarbidek argitu duenez, Gure Esku Dagok ez du "alderdien estrategietan esku hartu nahi", baina indar politikoak "herritarren ahotsak entzuten" ari direla uste du.
ETAk erabakitzeko eskubidea "marruskatu" ote duen galdetuta, giza katearen sustatzaileak zera erantzun du: "Orain arte, urak nahasita izan dira, amaitu berri den aroak dena zikindu du, euskara ere lokatzetan izan da, baina hori guztia amaitu den honetan, autodeterminazioa garbitu eta gizarteratu beharra dago".
"Dena dugu egiteko, garbitzeko", amaitu du.
Albiste gehiago politika
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.
Sarek eta Bilboko Konpartsek 'Bizkaiko Etxera Eguna' deitu dute abuztuaren 22rako Bilbon
Aste Nagusiarekin batera, ETAko preso, iheslari eta deportatuen itzulera eskatzeko manifestazioak, bazkari herrikoiak eta kontzertuak izango dira. Antolatzaileek gogorarazi dute gizarteak "gatazkaren zauri mardulenak gainditu" dituela eta "badela garaia 'Etxera' aldarria erreibindikazio izatetik lorpen izatera pasatzeko".
Luberrik Bilboko Konpartsek berriz "baztertu" dutela salatu du, "irizpideak bete arren"
Gazte Koordinadora Sozialistarekin (GKS) lotutako konpartsak jarduerak egingo ditu Aste Nagusian, "normaltasunez parte hartu" ezin duela agerian uzteko eta "bere espazioa" eskatzeko.
Covitek jaietan ETAko presoen aldeko pankartak agertu izana salatu du
Bilboren kasuan, Txoribarrote konpartsak "pankarta handi bat" zabaldu izana kritikatu du Covitek, "Euskal preso eta iheslariak etxera" aldarria idatzita duena. Donostiako Udalak kendu egin ditu hiriko ikastetxe publiko bateko fatxadan zeuden pankartak
Goia kexu agertu da Espainiako Gobernuarekin, Malitik etorritako migratzaileekin duen ardurari ez baitio behar bezala heltzen
Donostian bizi diren migratzaile maliarren egoeraz galdetuta, Eneko Goia alkateak Euskadi Irratiko Faktoria saioan adierazi du behin-behineko irtenbidea aurkitu dutela Arantzazun, eta adierazi du Espainiako Gobernuak Malitik etorritako migratzaileekin duen ardurari ez diola behar bezala heltzen.
"ASESINOS" eta "ETARRAS" margotu dute Santutxuko herriko tabernan
Ezker abertzalearen aurkako pintaketak agertu dira gaur Bilboko auzo batzuetan. Santutxuko herriko tabernan, esaterako, "ASESINOS" eta "ETARRAS" idatzi dute lokaleko bi pertsianetan. Solokoetxen ere agertu dira pintaketak, kaleko horma batzuetan. Bilboko Sortuk gaitzetsi egin ditu gertaera horiek.
SAREk presoen eskubideekiko konpromisoa berretsi eta haien aldarrikapena "kriminalizatzeko" saiakerak salatu ditu
Halaber, biktimen mina eta sufrimendua helburu politikoekin erabiltzea deitoratu du, eta gogorarazi du "biktima bakoitza bere sufrimenduaren jabe" dela eta errespetua, elkartasuna eta begirunea merezi dituela.
Voxek PPri festa musulmanak debekatzea onartu zuen Jumillako osoko bilkuran: 'Helburua beteta'
PPren botoei eta Voxen abstentzioari esker, proposamen polemikoa aurrera atera zen eta ultrek garaipena bereganatu zuten.
Zer aldatzen da EBren komunikabideen askatasunari buruzko lege berriarekin?
Erregelamendu bat denez, araudi berriaren artikuluak lotesleak dira EBko estatu guztientzat, inolako transposizio beharrik gabe. "Segurtasun nazionaleko" arrazoiak argudiatuta, kazetariak edo kazetarien iturriak zelatatzeko aukera ematen zuen klausula bat sartzeko saiakera izan da oztopo handienetako bat negoziazioan.
Urgentziaz ospitaleratu dute Jose Maria Angel GOIDIko komisionatu ohia, bere buruaz beste egiten saiatu ostean
Komisionatu izateari uko egin zion, duela 43 urte funtzionario mailaz igotzeko erabili zuen titulazioari buruzko polemika piztu ondoren.