Letiziaren izebak monarkiaren inguruko erreferenduma eskatu du

Henar Ortiz Asturiaseko printzesaren izebak monarkiaren inguruko erreferenduma eskatu du Twitterren. Hala ere, Ortizek dio ez dagoela Letizia bere ilobaren kontra.

Hilaren 2an Juan Carlos erregeak abdikazioa iragarri zuenetik gaiaren inguruko hainbat mezu kaleratu ditu Henar Ortizek. Egun horretan bertan, errepublikaren alde Estatuko hainbat hiritan egindako manifestazioen inguruak partekatu zituen bere jarraitzaileekin. Halaber, Pablo Iglesias Ahal Dugu alderdiko buruaren hainbat mezu bertxiokatu zituen.

Hauxe da Henar Ortizek txiokatutako mezua:

#ElReyAbdica #ReferendumYA -- Es hora de que hable la ciudadanía. Firma y RT! +201 mil y creciendo... http://t.co/745kgldGTt

— Henar Ortiz Álvarez (@HenarOrtiz) junio 3, 2014

''Demokrata naiz'', gaineratu zuen.

''Pertsona honek uste du Estatuaren buruzagitza ezin dela herentziaz jaso'', idatzi du beste txio batean. Horrekin batera, bandera errepublikanoa ere erakutsi du.

Letizia bere ilobaren aurka zergatik dagoen galdetu dio Twitterreko erabiltzaile batek, eta hauxe erantzun dio Henar Ortizek: ''Ez nago nire ilobaren kontra; ez ditzagun nahastu senidetasuna eta Estatuaren eredua''.