Elkarretaratzeak deitu dituzte Errepublikaren alde

Erredakzioa

Protestak 19:00-20:00 artean izango dira. Bilbon, Arriaga plazan egingo dute; Donostian, Bulebarrean; Gasteizen, Andre Maria Zuriaren Plazan; eta Iruñean, Merindadeen eta Udaletxe plazetan.

Orria entzun Orria entzun

Errepublikaren aldeko protesta bat, Bilbon. EiTB

Whatsapp
Whatsapp
twitt
Bidali
Esteka kopiatu

Albisteak (2)

Herritarrek eta alderdi politikoek elkarretaratzeak deitu dituzte gaur arratsalderako Espainiako Estatuko hainbat herritan, Errepublikaren alde, Juan Carlos I.a erregeak abdikatu eta gero.

Besteak beste, Izquierda Unida, Podemos, Equo, EH Bildu eta ERC alderdiek deitu dituzte protestak.

IUk, Podemosek eta Equok 20:00etarako deitu dituzte elkarretaratzeak. Bilbon, Arriaga Plazan egingo dute; Gasteizen, Andra Maria Zuriaren Plazan; Iruñean, Merindadeen Plazan; Madrilen, Puerta del Solen; eta Bartzelonan, Katalunia Plazan, besteak beste. Donostian, aldiz, 19:00etarako deitu dute, Bulebarrean.

Bestalde, EH Bilduk 19:30ean protesta egiteko deia egin du. Koalizio abertzalearen protestak Bilbon (Arriaga), Donostian (Bulebarra), Gasteizen (Andra Maria Zuria) eta Iruñean (Udaletxe plaza) izango dira.