Urkulluk estatus politiko berri bat izango dela uste du

Jose Antonio Agirre Eusko Jaurlaritzaren lehen lehendakariaren lehen biografia "zientifikoa" eta osatua aurkeztu dute. "Urduritasun" garaian bizi izan zuen politikaren pasioa: Errepublika, Gerra Zibil eta erbeste garaian.

"La política como pasión. El lehendakari José Antonio Aguirre (1904-1960)" liburua Ludger Mees, Jose Luis de la Granja, Santiago de Pablo eta Jose Antonio Rodriguez Ranz historialariek egin dute, hamar urtez haren ezaugarri pertsonal eta politikoak aztertu ostean.

Ludger Mees da egileetako bat: Alemanian jaio zen, baina Euskal Herrian bizi da azken hamarkadotan. Azaldu duenez, testu kritikoa da: "zentzu batean, Agirreren kondaira ezabatzen saiatu gara, bat baino gehiago deseroso sentitu zitekeela jakinda", esan du. Jose Antonio Agirre XX. mendeko "euskal politikari garrantzitsuena, influentziaduna eta herrikoiena" izan zen, bere ustez.

Iñigo Urkullu lehendakariak, bestetik, Jose Antonio Agirreren giza-dimentsioa aztertu du. Bere ustez, "bere garaikideei nabarmen eragin zien". Urkulluk ikuspegi politikoa ere aztertu du: autonomiari dagokionean, legeak eskaintzen zituen "aukerak aprobetxatu" zituela aitortu du, "biolentziazko matxinadara" jo beharrean.

Urkulluk estatus politiko berri bat izango dela uste du

Iñigo Urkullu lehendakariak, Europako hauteskundeen ostean, esan duenez, euskal herritarren nahi politikoek "etorkizun berri bat" dute, eta estatus politiko berri batera iritsiko dela uste du, "elkarrizketa, negoziazio, akordio eta berrespen" estrategiaren bidez.

Eusko Jaurlaritzako ordezkari nagusiaren hitzetan, Europako Parlamenturako hauteskundeen emaitzak "argiak dira, eta distantziatik hitz egiten dute". "Geure irakurketak oso argia izan behar du, irakurketa autokritikoa, akzio politikoak herritarrei transmititzen dienari buruz, baina baita irakurketa konprometitua eta itxaropentsua ere, Euskadirako eta Europako geure idealen onestasunean oinarrituta", gaineratu du.

Urkulluren ustez, "Europako etxea ez da oraindik europarren bizitokia", eta "Europako bizitoki horrentzat lan egiteak merezi duela" nabarmendu du. "Europa berriro eraikitzen parte hartuko dugu. Beltzetik zurira aldatu behar dugu", azaldu du.

Horregatik, oinarrizko zerbitzuak indartzen dituen Europar Batasunaren alde egin du, osasuna, hezkuntza, babes soziala, berrikuntza babesten duena, politika eragingarriak, ekonomia produktiboa, enpleguan eta gazteen bermean konpromisoa duena; "bakearen eta bizikidetzaren bandera zuria" nagusi dena.