Politika
Bilbon eta Iruñean
Erredakzioa
Jeltzaleek omenaldia egin diete Gerra Zibilean hildako gudariei, Bizkargi mendian (Bizkaia). Ikurrina igo eta meza ospatu dute haien omenez.
Andoni Ortuzar EAJko EBBren presidenteak igande honetan Aberri Eguna ospatzeko deia egin du, "siglak eta alderdiak" alde batera utzi, eta "eraikitzen ari den euskal Aberri honi" topa egiteko.
EBBren presidentea Bizkargi mendian (Bizkaia) izan da gaur, jeltzaleek Gerra Zibilean hildako gudariei egin dieten omenaldian. Euskal gudariak gerran egindako borroka goraipatu du Ortuzarrek, eta "Askatasunaren eta Euskadiren alde” borrokatu zirela nabarmendu du. Ekitaldien artean, ikurrina igo eta meza bat ospatu dute gudarien omenez.
Ortuzarrek dei egin die herritar guztiei "siglak eta alderdiak gorabehera, bihar, edonon egonda ere, Aberri Eguna ospatu dezaten". Horrez gain,"eraikitzen ari garen aberri honi topa egiteko" eskatu du. "Hau da orduko gudari horiek nahi zuten aberria, eta guk ikusteko aukera izango dugu", gaineratu du.
Jeltzaleen buruak gogorarazi duenez, "70 urte baino gehiagoren ostean, lortu nahi zuten Euskadi hori bidea egiten ari da, eta eraikitzen ari gara".
2023ko uztailaren 23ko hauteskunde orokorretako albisteak
orain albiste
albisteak
albisteak
albisteak
albisteak
albisteak
Kirola
kultura
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa