Izen gehiago igorri dizkiote Serviniri, frankismoaren krimenen harian

Frankismoaren garaiko krimenen ikerketa bultzatzen duen CEAQUA plataformak izen berriak igorri dizkio Maria Servini kereilaren ardura daraman Argentinako epaileari, koordinakundeak ohar baten bidez adierazi duenez. Frankismoaren garaiko krimenen kontra Argentinan irekitako kereila babesteko Estatu mailako plataforma da CEAQUA, eta 100 elkarte inguru biltzen ditu.

Plataformak idatzian azaldu duenez, Servini epailearekin elkartuko da Carlos Eslepy abokatua, eta izen zerrenda berria helaraziko dio, kereilan sartzeko eskatzeko asmoz. Kereila argentinarra bultzatzen ari den elkartearen ustez, giza eskubideak errespetatu ez zituzten agintariak dira.

Igorritako izen berrien artean Jesus Quintana Saracibar aipatzen dute. CEAQUAk azaldu duenez, 1976ko martxoaren 3an Gasteizko Zaramaga auzoko Asisko San Frantzisko elizako istiluetan parte hartu zuten indar armatuetako burua zen Quintana; bost zibil hil eta 50 bat zauritu ziren bertan.