Lantaldea legearen muga gainditzeko ez erabiltzea eskatu du Semperrek

Legebiltzarreko EAEko PPko bozeramaileak, Borja Sémper, autogobernuaren gainean batzorde txostengileak egingo dituen ondorioek 'esparru legala' ez dezatela gainditu eskatu du.

Euskadirentzat Estatutu politiko juridiko berria osatzeko EAJk legebiltzarrean autogobernua aztertuko duen batzorde txostengilea hedatzeko egin duen ez legezko proposamenari osoko zuzenketa aurkeztu dio Semperrek.

PPko ordezkariak aurkeztu duen testuan osatuko den komisioak 'autogobernuak gaur egun duen egoera aztertzea eta  erreforma egin beharra baldin badago 1978an onartutako Konstituzioaren eta indarrean dagoen legeriaren baitan' egitea eskatu du. Gainera, 'batzordearen ondorioak inoiz ezingo dira legearen esparrutik kanpo egon'.

Legebiltzarra '1979an onartutako Autonomiaren Estatutuan berrestea' nahi dute popularrek. 'Garapenaren, aurrerabidearen eta monerdinazioan ezinbesteko tresna' dela diote. Eta 'EAEko biztanleriaren elkarbizitzarako eta gure historian aurretik izan ez dugun autogobernu maila lortzeko erreminta da'.

Bere alderdiak 'Autonomia Estatutua eta autogobernua aztertu eta eztabaidatzeko arazorik' ez duela adierazi du. Baina EAJk ez bezala popularrek 'ez dugu uste Autonomia Estatutua nahitaez aldatu behar denik'.

'Euskal Herria Kataluniak egin duen bide berdinean sartzea hutsegite handia izango da' bere ustez. Gainera, batzordearen lana 'publikoa' izatearen apustua egin du. 'Ez dugu batzorde itxia eta ezkutua izatea. Eztabaida publikoak egitea nahi dugu eta ez dugu ulertzen EAJk eztabaidak ezkutatzeko duen joera'.