PPk Quirogaren buruzagitza sendotuko duen kongresua egingo du martxoan

Euskadiko Alderdi Popularrak ezohiko kongresua egingo du martxoan, eta Antonio Basagoitiren ordezkoa, Arantza Quiroga, berretsiko dute bertan. 2013ko maiatzean hartu zuen kargua Quirogak.

Iñaki Oyarzabal Euskadiko Alderdi Popularreko idazkari nagusiak eman du jakitera kongresuaren deialdia Bilbon, PPren egoitzan egindako prentsaurrekoan. Quiroga bere postuan berresteko, batzar parte-hartzailea eta irekia egingo dute.

Alderdiko zuzendaritzak datorren astelehenean erabakiko du kongresuaren data. Arantza Quiroga 2013ko maiatzaren 14an izendatu zuten presidente, Antonio Basagoiti ordezkatzeko, Santander bankuak Mexikon duen ordezkaritzara lan egitera joan baitzen. Orduan iragarri zuen Quirogak zuzendaritzaren babes osoa jaso arren bere alderdiaren batasuna bultzatu eta bere buruzagitza sendotzeko kongresu bat antolatuko zuela.