Politika
Fernando Buesa Fundazioa
Erredakzioa
Lehendakariorde izan zenaren alabaren esanetan, indarkeria terrorista izan da Euskadik pairatu duen "indarkeria nagusia". Horren ustez, indarkeria horri zilegitasuna kendu behar zaio.
Sara Buesa. EFE.
ETAk hildako Fernando Buesa sozialistaren alabak esan du elkarbizitza eraikitzeko derrigorrezkoa izango dela "terrorismoan parte hartu dutenek" batera edo bestera "egindako kaltean izan duten erantzukizuna onartzea".
Sara Buesak Fernando Buesa Fundazioak memoriaren inguruan antolatu dituen jardunaldietan parte hartu du gaur.
Lehendakariorde eta Arabako diputatu nagusi izan zenaren alabaren esanetan, indarkeria terrorista izan da Euskadik pairatu duen "indarkeria nagusia", eta indarkeria horri zilegitasuna kendu behar zaiola gaineratu du.
Indarkeria erabili izan dutenen gizarteratzea lortzeko, "nahitaezkoa" da "euren ekimenekin eragindako sufrimendua eta erantzukizuna onartzeko ibilbide pertsonala egitea".
ETAren indarkeriak “helburu politiko argiak” zituela azpimarratu du Sara Buesak. Gertatutakoaren kontakizuna egiteko, kutsu politiko hori gogoratu beharko dela azpimarratu du.
Horren ustez, gizartearen "zati batek" ETAren indarkeria "minimizatu" eta "justifikatu" egin du urte askotan zehar. Orain, memoria eraikitzeko, "anitza eta partekatua" izan behar dela iritzi dio Sara Buesak, baina "egian eta justizian oinarrituta".
2023ko uztailaren 23ko hauteskunde orokorretako albisteak
orain albiste
albisteak
albisteak
albisteak
albisteak
albisteak
Kirola
kultura
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa