Politika
PSOE-ren Biltzar Politikoa
Erredakzioa
Euskal sozialisten buruzagiak ez du, beraz, bere hautagaitza baieztatu, eta alderdiari "leku askotatik" lagundu lekiokeela adierazi du.
Patxi Lopezek ez du bere hautagatza baieztatu edo ezeztatu. EFE
PSOEren hauteskunde primarioetarako hautagaitzarik aurkeztuko duen galdetuta jarrera lausoa erakutsi du gaur Patxi Lopez PSE-EEren idazkari nagusiak: 'Babesa badut eta alderdiak beharrezko naizela esaten badit, ez dut albo batera begiratuko'. Dena dela, alderdiari "leku askotatik" lagun lekiokeela adierazi du.
Laster da egitekoa PSOEren Konferentzia Politikoa eta bertan defendatu beharreko jarrera ekonomikoaren gakoak nabarmendu ditu Lopezek: zergak berriro zentralizatzea kritikatu du, eta aberastasuna banatuko duen "politika fiskal ezberdin" baten alde agertu da.
SER irrati kateari eskainitako elkarrizketa batean, ez du bere hautagaitza baieztatu baina, galdetu diotenean, halakoetan "albo batera" begiratzen ez duela azpimarratu du. "Babesa badut eta alderdiak beharrezkoa naizela esaten badit, ez dut albo batera begiratuko", erantsi du. Dena dela, dagoen tokian "oso ondo" dagoela agertu du.
Alderdiari "leku askotatik" lagun lekiokeela nabarmendu du Lopezek: "PSOEren herri egoitzetatik, lurraldekoetatik, autonomia erkidegoetatik...".
Jarrera ekonomikoa
Zerga jakin batzuk Estatuaren esku uztearen kontura Konferentzia Politikoan eztabaidatuko duten proposamenarekin bat ez datorrela adierazi du Lopezek: "Berzentralizazioan baino, indarrak zerga horien murrizketa saihestean jarri behar dira. Izan ere, bitxia da, herritarrek diru gehiago izatea nahi dute baina, aldi berean, ospitaleak pribatizatzen dituzte eta bekak eta gizarte politikak kentzen dituzte".
Lopezen hitzetan, Gobernuak "aberastasuna berriro banatu behar du eta hori politika fiskal ezberdin batekin egiten da"
2023ko uztailaren 23ko hauteskunde orokorretako albisteak
orain albiste
albisteak
albisteak
albisteak
albisteak
albisteak
Kirola
kultura
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa