Azkunaren ustez 'zitalak' dira Udaleko oposizioaren kritikak

Iñaki Azkuna Bilboko alkatearen ustez, 'zitalak' dira osasun arazoak tarteko sei hilabetez baja egoteagatik oposizioak egindako kritikak eta, esan duenez, Bilboko Udaleko PP eta PSE "labankada ari dira" gobernu-taldeari "lidergo falta" eta "ahulezia" egotzita.

Horiek izan dira Azkunak egindako adierazpenok, datorren urterako aurrekontuak aurkezteko prentsaurrekoan. Udalak 512,8 milioi euroko aurrekontua izango du, aurreko 2013 urtean baino % 13 gehiago.

Prentsaurrekoa Andoni Aldekoa alkatetzako zuzendariak egin du, Marta Ajuria Ogasun zinegotzia eta Carlos Urgioti aurrekontuen zuzendariarekin batera. Azkuna prentsaurrekoaren erdian agertu eta kazetarientzako aulkietako batean eseri da.

"Esan izan balute Bilbo hondamena dela, ez dela inbertsiorik ez lanik... baina hau guztia Bilboko tenis txapelketa eta Bilbo 700en ospakizunak finantzatzeko mozio bat bultzatzeko egin dute", ebatzi du.

Halaber, ohartarazi duenez, aurrekontu-partida horiek desagertu badira "ekonomikoki bideragarriak" ez zirelako izan da; "ez dugu eskolarik itxi eta ez dugu holakorik egin", nabarmendu du. "Alabaina, oposizioaren iritzian udal-Gobernuko kideak ezjakin hutsak dira".

Zinegotzi baten "zoritxarra" ez lukeela "aprobetxatuko" nabarmendu ostean, Azkunak esan du PSE eta PPren kritiketan "ni aparteko gisa agertzen naiz", eta "ez naiz horren ona" ez bere taldea "hain txarra".

I