Politika
Katalunia
Erredakzioa
El Pais egunkariaren arabera, bi buruzagiak 2014. urtean kontsulta independentista egiteak sortuko lukeen liskar instituzionala saihesten saiatuko dira.
Artur Masek eta Mariano Rajoyk 2012ko otsailaren 1ean egindako bilera. EFE
Albisteak (2)
Informazio gehiago (1)
Mariano Rajoy eta Artur Mas Espainiako eta Kataluniako gobernuetako presidenteek negoziazio sekretuak egingo dituzte, 2014. urterako CiUk eta ERCk adostutako kontsulta independentista egiteak ekarriko lukeen liskar instituzionalaren aurrean irtenbideak bilatzeko.
El Pais egunkariak jakinarazi duenez, bi buruzagiek konfiantzako ordezkariak izendatu dituzte, isilpeko negoziazioak egiteko.
Abuztuaren 29an, Rajoyk eta Masek bilera sekretua egin zuten, Madrilen, kontsulta hizpide. Akordiorik lortu ez bazuten ere, batzarra "konponbiderako bidea hasteko eta liskarra saihesteko lehen urratsa" izan zela esan du Prisa taldearen egunkariak.
Joan den astean, Masek aldaketa egin zuen independentziarako 'ibilbide orria'n, eta Estatuaren baimenik gabe ez duela kontsulta deituko ohartarazi zuen.
Gainera, hori gertatuko baliz, 2016. urtean plebiszitu-hauteskundeak deituko lituzkeela aurreratu zuen.
Mariano Rajoyren Gobernuaren ustez, Masen iragarpen hori "keinu positiboa da", bi exekutiboen artean akordioa egon dadin, El Pais-en arabera.
2023ko uztailaren 23ko hauteskunde orokorretako albisteak
orain albiste
albisteak
albisteak
albisteak
albisteak
albisteak
Kirola
kultura
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa