Legebiltzarrak Estatuko Segurtasun Indarrak egokitzea eskatu du

Eusko Legebiltzarrak Estatuko Segurtasun Indarrek Euskadin duten agente kopurua "egokitzea" eskatu du, ETAren indarkeria bukatu egin baita.

Hasiera batean, EH Bilduk Estatuko Segurtasun Indar guztiak EAEtik erretiratzea eskatu du, baina ekimenak ez du aurrera egin, EAJ abstenitu eta gainerako alderdiek aurka egin dutelako.

Azkenean, EAJk zuzenketa bat eskatu du, Espainiako Polizia eta Guardia Zibila Euskaditik joatea baino, kopurua egokitzea eskatzen. Adierazpenak aurrera egin du, jeltzaleen eta abertzaleen botoekin. PSE-EE, PP eta UPyD aurka agertu dira.

Adierazpen horretan, Legebiltzarrak Segurtasun Batzordean (Espainiako Gobernuarekin duen organo bat) egokitzapen horren irizpideak ezartzeko eskatu dio Eusko Jaurlaritzari, "benetako segurtasun beharrak eta Autonomia Estatutuaren eskuduntzak kontuan hartuta".