Aznarrek gainsoldatak kobratu zituen presidente zenean

Erredakzioa

Horixe argitaratu du behintzat 'El Pais' egunkariak. PPk 16.755 euro ordaindu zizkion Espainiako Gobernuko presidente ohiari, agintari publiko batek bi soldata jasotzea debekatuta zegoenean.

Orria entzun Orria entzun

Mariano Rajoy Espainiako Gobernuko presidentea, Jose Maria Aznar presidente ohiarekin. Argazkia: Efe

Whatsapp
Whatsapp
twitt
Bidali
Esteka kopiatu

Albisteak (2)

PPk 16.755 euroko gainsoldata ordaindu zion Jose Maria Aznarri Espainiako Gobernuko presidente zenean, 1996an, "ordezkari lanak egiteagatik", El Pais egunkariak jakitera eman duenez. Ordurako debekatuta zegoen agintari publiko batek bi soldata jasotzea.

Egunkari espainiarrean argitaratu dutenez, Pablo Ruz epailearen esku dagoen informazioan agertzen da Espainiako Gobernuko presidente zenean hiru gainsoldata kobratu zituela, 16.755 euro guztira.

Kontuen Auzitegiak PPren kontabilitateari buruz epaileari helarazi zion 1996ko informazioan ez da Aznarren izena agertzen, baina 053 kodigoaren atzean Espainiako Gobernuko presidente ohia dagoela pentsatzen dute.

Bestalde, presidente izan aurretik, PPk 56.500 euroko gainsoldata ordaindu omen zion Aznarri.

Iruzkinak