Barcenasek ukatu egin du Palacio ministro ohiari dirua eman ziola

Luis Barcenas PPren diruzain ohiak ukatu egin du Ana Palacio ministro ohiari eskura dirua eman ziola. Espainiako Atzerri ministro ohiak kereila jarri zuen Barcenasen kontra ustez PPren B kontabilitatea frogatzen duten paperak argitaratu ostean.

Juan Antonio Saenz de San Pedro Madrilgo Auzitegiko epailearen aurrean deklaratu du Barcenasek, 20 minutu eskasez, eta berriro errefusatu du ustez PPren B kontabilitatea frogatzen duten paperetako letra berea dela.

Jesus Castrillo Atzerri ministro ohiaren abokatuak azaldu duenez, Barcenasek esan du inoiz ez duela harremanik izan Ana Palaciorekin, eta ondorioz, inoiz ez ziola eskura dirua eman.

Castrilloren esanetan, diruzain ohiak akusazio guztiak ukatu ditu, ustez PPren B kontabilitatea frogatzen duten paperak idatzi izana batez ere.

Otsailaren hasieran, Palaciok kereila aurkeztu zuen PPko diruzain ohiaren kontra, ezkutuan 6.000 euro kobratu zituela zioen informazioa zabaldu zenean.