Ustez galdutako Bidegiren fakturak aurkitu ditu Gipuzkoako Aldundiak

Gipuzkoako Foru Aldundiak (Bildu) asteazkenean aurkitu zituen, "kaxa batean", Bidegi elkarte publikoaren fakturak, Markel Olano ahaldun nagusiari eskatu eta egun bat beranduago.

EAJk salatu duenez, Markel Olanok fakturak "lapurtu" dituela iradoki du Ugartek. Eskatutako dokumentazioa "Hainbat gastu" ataleko fakturak ziren, 2007 eta 2011 urte artekoak.

Fakturak eskatzea

Joseba Egibar Gipuzkoako EAJko presidenteak Ekidealdeko Alemaniako segurtasun zerbitzua Stasik egindako ekintzekin alderatu du Bilduren eskaera hori. "Ez litzateke errezago izango Olanori zuzenean faktura horiek eskatzea?", galdetu du Egibarrek.

Larraitz Ugartek adierazpen horiei erantzun die gaur eskainitako prentsaurrekoan. Bertan, Juanjo Olaizola, Joseba Altube eta Unai Erroitzenea Bidegiko Administrazio Kontseiluko kideekin izan da.

Ugartek aitortu duenez, eskatutako fakturak kaxa batean aurkitu dituzte, Bidegiko biltegi batean. "Harrigarria eta oso larria da EAJk informazio eskaera bat liskarra bihurtu nahi izatea", azpimarratu du. Hala ere, "kaxaren edukia ari gara aztertzen; espero dut, Bidegiren onerako, fakturek kontabilitatearen datuekin bat egitea".

Egoera larria

Markel Olanori bidalitako faxa "egoera larri batek eragindako ondorioa izan da", fakturak desagertzea "oso larria delako, legez kanpoko egoera, eta horrek horrelako eskaera eskatzen du".

Ugarteburuk esan duenez, "ulertezina da 2011ko urritik aurrera faktura guztiak artxibatuta egotea, eta aurreko epeko fakturak bere lekuan ez egotea". "Horren aurrean, zer egin? Ez ikusiarena egin? Hori da EAJk proposatu duena?", galdetu du diputatuak, "kaxa horretan dagoena aztertuko dugu, eta egindako eskaera ohiko prozedura izan da, besterik ez".