Politika
Noos auzia
Erredakzioa
EITB
Diego Torresek larunbatean epailearen aurrean egindako deklarazioaren arabera, Urdangarinek ez zuen beste jarduerarik egin nahi. Urdangarinek berriz deklaratuko du larunbat honetan.
Albisteak (4)
Diego Torresek joan den larunbatean deklaratu zuen Noos auzia ikertzen duen epailearen aurrean, eta, deklarazio horren arabera, Iñaki Urdangarinek ez zuen Noos utzita beste jarduerarik egin nahi, ez zuelako ''txotxongiloa izan nahi''.
Erregea-Etxeak Urdangarini institutua uztea eta beste ''jarduera batzuetan aritzea'' aholkatu izana ''oso gogorra eta oso zaila'' izan zen Palmako dukearentzat, Torresenen hitzetan.
Deklarazio horren arabera, halaber, Jose Manuel Romero Errege-Etxeko aholkulari juridikoak emandako aholkua izan zen. Halaber, sortzaile gisa agertuko ez zen beste erakunde batean aritzea aholkatu zion Urdangarini, eta ''administrazio kontseiluetan egoteko aukerak eskainiko'' zizkiotela aurreratu zion aholkulariak Palmako dukeari, Torresen arabera.
''Presio mediatikoa''
Hala ere, Urdangarinek Nooseko proiektuekin lotuta egoten jarraitu zuen, Torresek epaileari azaldutakoaren arabera. Institututik aldentzearen itxura zergatik egin zuen galdetuta, ''presio mediatikoa''ri egotzi dio erabakia Torresek.
Urdangarinek berriz deklaratuko du larunbat honetan
Epailearen aurrean lehenengoz deklaratu zuenetik ia urtebete igaro denean, Urdangarin epaitegietan bueltan da Diego Torresek deklaratu zuenetik astebete geroago. Urdangarinek Jose Castro Noos auziaren epailearen aurrean deklaratuko du larunbatean eta deklarazioak aurreko urtean lehenengoz epaitegietan ikusi zeneko ikusmina sortu du, baina iazkoa ikusita eta gero, tentsioa zeharo gutxiagotu da, bai hedabideetan, baita Palmako epaitegietako segurtasunean ere.
2023ko uztailaren 23ko hauteskunde orokorretako albisteak
orain albiste
albisteak
albisteak
albisteak
albisteak
albisteak
Kirola
kultura
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa