ETAk solaskideen zain 'denbora gehiegi' daramala salatu du Ugarteburuk

Erredakzioa

Ezker abertzalearen ordezkariak azaldu duenez, ETA "mahaian eserita dago", baina solaskideak, Espainiako eta Frantziako gobernuak, "falta dira".

Orria entzun Orria entzun

Maribi Ugarteburu ezker abertzalearen bozeramailea. Argazkia: EITB

Whatsapp
Whatsapp
twitt
Bidali
Esteka kopiatu

Albisteak (3)

Informazio gehiago (1)

Webgune berezia: Bakea Euskal Herrian

Maribi Ugarteburu ezker abertzalearen bozeramaileak salatu duenez, ETAk "denbora gehiegi" darama solaskideen zain "gatazkaren ondorioez" hitz egiteko.

Ugarteburuk prentsaurrekoa eman du Donostian Sorturen eta Gazte Zukgua euskal gazte independentisten taldearen eratze prozesuen inguruan azalpenak emateko, eta horixe esan du ETAren desarmeaz galdetu diotenean.

Kritikatu duenez, ETAk "denbora gehiegi" darama "mahaian eserita, baina beste solaskideak, gatazkaren konponbidean ezinbesteko piezak direnak (Espainiako eta Frantziako gobernuak) ez dira ageri".

Buruzagi abertzaleak gogora ekarri duenez, ETAk "16 hilabete daramatza publikoki, eta egiaztatze batzordearekin hitz eginez, elkarrizketarako borondatea erakusten eta gatazkaren ondorioen gaia konpontzeko lanean".

Iruzkinak