Politika
Elkarrizketa
EAJ: 'Egiak esandakoarekin bat egin ezean, Rajoyk dimititu beharko du'
Erredakzioa
Kontua "egia zeinek esaten duen argitzea" dela azpimarratu du Egibarrek, "ez du balio egiaren zati bat esatearekin".
Luis Barcenas PPko diruzain ohiaren paperei aipamen eginez, "egiak esandakoarekin bat egin ezean, Rajoyk berehala dimisioa eman" beharko duela esan du Joseba Egibar EAJren Parlamentuko bozeramaileak. Gainera, "kontua, egia zeinek esaten duen argitzea" dela azpimarratu du, "ez du balio egiaren zati bat esatearekin".
ETBko elkarrizketa batean, Rajoyk dena "irmotasunez" ukatu duela ekarri du gogora, kobratu eta banatu ez duela esanez.
Horren iritziz, jarrerak ez du informazioarekin bat egiten baina datu horiek "sinesgarritasuna baino zerbait gehiago" dutela esan du.
Alfredo Perez Rubalcabak aldarrikatu duen Rajoyren dimisioaren inguruan, "sistema demokratikoa bera, alderdien sistema, zalantzan jarri da", esan du.
Ildo honetan, "egiak Rajoyk esandakoarekin bat egin ezean, berehala dimisioa eman beharko du", esan du. Kontu hauekin "zorrotz" izan behar dela aldarrikatu du, "bestela ez diogu inori mesederik egiten".
