Politika
Larunbateko manifestazioa
Erredakzioa
Barrenak "gezurretan" aritzea eta "PPri politika kriminala aurrera eramaten eta prozesua boikotatzen" uztea leporatu die jeltzaleei.
Pernando Barrena ezker abertzalearen bozeramailea. Argazkia: EITB
Informazio gehiago (1)
Pernando Barrena ezker abertzalearen bozeramaileak "gezurretan" aritzea leporatu dio EAJri, euskal presoen alde lan "diskretua" egiten ari dela esateagatik; izan ere, Barrenaren arabera, EAJ "geldirik" egoteak "PPk politika kriminala aurrera eramatea eta prozesua boikotatzea ahalbidetu du".
Barrenak Donostian emandako prentsaurreko batean azaldu duenez, Iñigo Urkullu lehendakaria eta EAJ "euskal gizarteari gezurra esaten ari zaizkio" PPk kartzela-politika alda dezan lan "diskretua" egiten ari direla esaten dutenean.
Buruzagi abertzalearen arabera, "hori agerikoa da, ETAk borroka armatua uztea erabaki zuenetik ez baita pausorik eman presoen salbuespen egoera desagertzeko".
Gainera, Barrenak gogor kritikatu du EAJk Herrirak euskal presoen eskubideen alde larunbaterako deitu duen manifestazioan ez parte hartzea, "bake prozesuaren agenda politikoan lehentasuna duen gaia" delako.
Testuinguru horretan, "gogoeta" egiteko deia egin dio EAJri, "larunbateko argazkian, gehiengo sozialaren argazkian, agertu nahi duen ala ez erabakitzeko".
2023ko uztailaren 23ko hauteskunde orokorretako albisteak
orain albiste
albisteak
albisteak
albisteak
albisteak
albisteak
Kirola
kultura
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa