Espainiar turista bat larri zauritu dute Berlinen, Holokaustoaren Memorialean, labanaz egindako eraso batean

30 urteko espainiar turista bat larri zauritu dute Berlinen (Alemania), Holokaustoaren Memorialean labanaz egindako eraso batean, Poliziak jakinarazi duenez.

Poliziak susmagarri bat atxilotu, eta labana bat aurkitu du erasoa izan den lekuan bertan.

Oraindik ez dago argi zein izan den erasoaren motibazioa, ezta gertatu den lekuak horrekin lotura duen ere.

Holokaustoaren oroigarria sinbolismo handiko gunea da, Bigarren Mundu Gerran naziek hil zituzten 6 milioi juduak omentzen baitituzte bertan.

Memoriala Berlingo erdigunean dago, Brandenburgoko atetik eta AEBren eta Frantziaren enbaxadetatik gertu.

Erasoa hauteskunde orokorrak egiteko bi egun falta direnean egin dute. Inkesten arabera, litekeena da eskuin-muturreko alderdi bat bigarren bozkatuena izatea 90 urtean lehen aldiz.