Edmundo Gonzalezek dio "Venezuelatik oso gertu" dagoela, "modu seguruan sartzeko prest"

Edmundo Gonzalez Urrutia Venezuelako oposizioaren buruak, bere burua uztaileko hauteskundeen irabazletzat duenak, adierazi du bere herrialdetik "oso gertu" dagoela, "modu seguruan sartzeko prest", eta Venezuelako presidente kargua hartzeko lanean ari dela.

"Venezuelan sartzeko baldintzak lortzeko lanean jarraitzen dut, Konstituzioak eta herriak agindu didan moduan, presidentetza neure egiteko", esan du Edmundo Gonzalezek X sare sozialean zabaldutako bideo batean.

"Venezuelatik oso gertu nago. Modu seguruan sartzeko prest, eta, une egokia denean, gure demokrazia berreskuratzea ekarriko duten botoak baliatuko ditut", gaineratu du.

¡Compatriotas venezolanos!

Represento la voluntad de casi 8 millones de venezolanos dentro de la patria, y la de los millones de compatriotas a quienes se les impidió votar en el extranjero, y tengo el deber de defender ese compromiso. pic.twitter.com/697Z9ISP08

— Edmundo González (@EdmundoGU) January 10, 2025

Nicolas Maduro buruzagi chavistak, berriz, ostiral honetan egin du 2025etik 2031ra arteko presidente karguaren zina Asanblea Nazionalean, ofizialisten esku dagoen parlamentuan.