Bidenek baimena eman dio Ukrainari irismen handiko misilak erabiltzeko Errusiaren kontra

Joe Biden AEBko jarduneko presidenteak baimena eman dio Ukrainari AEBko irismen handiko misilak modu mugatuan erabiltzeko Errusiaren kontra, The Washington Post egunariaren arabera. 

Gaur-gaurkoz, ez dute berria baieztatu ez Etxe Zuriak ezta Pentagonoak ere. Volodimir Zelenskik ere ez du oraingoz ezer esan.

Iturrien arabera, Bidenen baimena etor liteke Ipar Koreako milaka soldadu Errusiari laguntzeko gerrara batu izanagatik. Izan ere, Ukrainak Errusiarren esku dagoen Kursk eskualdearen kontrola berreskuratu nahi du. 

Zelenskiren gobernuak hilabeteak daramatza baimen hori eskatzen, argudiatuz armek bakarrik lagun diezaieketela tropa errusiarrak garaitzen.

Hala baieztatuz gero, Bidenen erabakiak laguntza handia eman diezaioke Ukrainari; izan ere, urtarrilean Donald Trumpi aginte makila emango dio, eta horrek Ukrainako gerrarekin amaitu nahi du.

Ildo horretan, Trump Errusiako presidentearekin akordio bat bultzatzen ari ote den beldur dira, Ukrainak onartzea gaur egun tropa errusiarrek okupatuta duten lurraldearen zati bat galtzea.

Bidenek baimendutako armak ATACMS izeneko misil supersonikoak dira, eta 190 milia edo 300 kilometroko irismena dute.