Venezuelako hauteskundeek ez dituzte "gardentasunaren oinarrizko neurriak" bete Nazio Batuen arabera

AGENTZIAK | EITB MEDIA

Venezuelako Hauteskunde Batzordearen arabera, bozketen egunean eraso zibernetikoa jasan zuten, eta hori dela eta oraindik ezin izan dituzte Maduroren garaipena baieztatzen duten emaitzak argitaratu. Horrek herrialde askoren gaitzespena eragin du.

Orria entzun Orria entzun

Emakumea botoa ematen uztailaren 28ko Venezuelako hauteskundeetan. Irudia: EFE.

Whatsapp
Whatsapp
twitt
Bidali
Esteka kopiatu

Uztailaren 28ko hauteskundeen ostean Venezuelako hauteskunde agintariek egindako emaitzen kudeaketak "hauteskunde sinesgarriak egiteko funtsezkoak diren oinarrizko gardentasun eta osotasun neurriak" falta izan zituela adierazi du Nazio Batuen aditu talde batek. Emaitza horien arabera, Nicolas Maduro egungo presidenteak irabazi zituen hauteskundeak, hirugarrenez jarraian.

Txostenak nabarmentzen duenez, Venezuelako Hauteskunde Batzordeak ez ditu hauteskunde emaitza xehatuak argitaratu eta ezta Maduroren garaipena frogatuko luketen "euskarri infografikoak" ere. Ildo horretan, txostena egin duten Nazio Batueko adituen arabera, gertaera horrek "ez du aurrekaririk gaur egungo hauteskunde demokratikoetan".

Bestalde, nabarmendu dute hauteskunde prozesua jarraitzeko behatzaile taldea Venezuelako Hauteskunde Batzordeak gonbidatu zuela. "Helburua hauteskunde-prozesuari buruz Nazio Batuetako idazkari nagusiari jarraitzea eta horren berri ematea izan zen, baita etorkizunean hobekuntzak egiteko gomendioak ematea ere", gaineratu zuen.