Mundua
Putinen kontrako protestak
Erredakzioa
Taldeko beste hiru kideri bi urteko kartzela-zigorra ezarri zieten "gorrotoak bultzatutako erlijio-bandalismoagatik".
Pussy Riot taldeko hiru kideri bi urteko kartzela-zigorra jarri diete. Efe.
Pussy Riot punk talde errusiarreko bi kide Errusiatik alde egin dute, Poliziak atxilotzea saihesteko. Izan ere, taldeko beste hiru kideri kartzela-zigorra ezarri zieten iragan astean, Moskuko katedrale batean Vladimir Putin presidentearen aurka protesta egiteagatik.
"Gutako bik Errusiatik alde egin dute eta atzerriko feministak biltzen ari dira protesta-ekintza gehiago egiteko", iragarri dute Twitterren. Informazioa Nadezhda Tolokonnikova kartzelatutako kide baten senarrak konfirmatu du.
"Errusiako Poliziaren eraginpetik urrun daude. Polizia atzetik dutenez, profil baxua gordeko dute", esan du Pyotr Verzilovek.
Verzilovek iradoki duenez, baliteke iheslariak Errusiarekin estradizio akordiorik ez duen herrialde batean egotea. "Hori da aditzera eman dutena" esan du Verzilovek. "Hala ere, oraindik taldeko 12-14 kide aktibo jarraitzen dute. Talde handia bilakatu da", gaineratu du.
Bi urteko kartzela-zigorra
Taldeko beste hiru kidek, Yekaterina Samutsevich, Maria Alyokhina eta Nadezhda Tolokonnikova, 29, 24 eta 22 urtekoak, hurrenez hurren, bi urteko kartzela-zigorra jaso dute "gorroto erlijiosoak eragindako bandalismoagatik".
Hiru kondenatuek Vladimir Putin presidentearen kontrako protesta-ekintza egin zuten Moskuko katedrale batean.
2023ko uztailaren 23ko hauteskunde orokorretako albisteak
orain albiste
albisteak
albisteak
albisteak
albisteak
albisteak
Kirola
kultura
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa