Mundua
Zibilak egoera larrian
Erredakzioa
Hilargi Erdi Gorriaren arabera, 7.200 siriar zibil Alepoko 45 ikastetxeetan daude etsipenak jota eta egoera larrian ezkutatuta. Nazio Batuek premiazko laguntza behar dutela ohartarazi dute.
Bideoak (1)
Errefuxiatuentzako Nazio Batuen mandatariak, Glemingek, ohartarazi du milaka siriar zibil daudela Alepon premiazko laguntza humanitarioa behar dutena.
Hiritarrak ikaratuta daudela gaineratu du, eta Alepoko kasuan, 7.200 siriar 45 ikastetxeetan babestuta daudela aipatu du,laguntza jasotzeko zain. Era berean aitortu du hauengana iristea dela momentuko arazorik handiena, kaleetako segurtasun faltak eraginda.
Horrekin batera, Nazio Batuetako mandatariak, Alepon, telefonía mugikorraren eta internet sareak moztuta daudela salatu du, eta horrek ere asko zailtzen duela heuren kideekin komunikatzeko eta laguntzak helarazi ahal izateko.
Alepon harrapatuta daudenez gain, Siria osoan laguntza behar duten milioi eta erdi pertsona ere aipatu ditu, ahal duten modura bizirauten dutenak, babes leku inprobisatuak aurkituta.
Ihes egin nahi duten siriar askok tiroketak dauden lekuetatik pasa behar dutela ere jakinarazi dute, hauetako asko Siriako mugetan gertatzen direla eta. Esaterako, orduero, bataz beste 528 pertsona zenbatu dituzte Siriatik Libanorako muga zeharkatzen.
NBEren Batzar Nagusiak Al Asad kondenatu du
NBEren Batzar Nagusiak ostial honetan gehiengoz Bchar al Asad Siriako presidenteak giza eskubideen urraketa egitea kondenatu du. Halaber, Segurtasun Kontseiluak ezer ez egitea kritikatu du.
Bozketan 133 herrialdek baiezkoa eman dute, 31k ez dute botoa eman eta 12k kontrako botoa eman dute. Azken horien arten, Errusia eta Txina daude, baita Iran, Ipar Korea, Kuba, Venezuela, Nicaragua eta Bolivia ere.
2023ko uztailaren 23ko hauteskunde orokorretako albisteak
orain albiste
albisteak
albisteak
albisteak
albisteak
albisteak
Kirola
kultura
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa