Errusiako indar militarrek bost drone bota dituzte Krimean

Errusiako indar militarrek bost drone bota eta beste lau atzeman dituzte, euren helmugara iritsi aurretik, Krimeako Dzhankoin hirian, han bertan dagoen Errusiako langile publiko batek jakitera eman duenez. Ukrainakoa zen Krimeako penintsula anexionatu zuen Errusiak 2014an.  

Ez da hildakorik izan, baina etxe batzuetako leihoak hondatuta geratu dira, Sergei Aksyonov Krimeako administrazioburuak azaldu duenez. Aksyonovek gaineratu duenez, piloturik gabeko hegazkin bat etxebizitza zonalde batean sartu da eta, horren ondorioz, 50 bat auzokide euren etxeetatik irtenarazi behar izan dituzte. Reuters agentziak ezin izan du txostena egiaztatu.

Dzhankoitik gertu hegazkinetarako egoitza militar bat du Errusiak. Ukrainako agintariek denbora luze daramate esaten Dzhankoi hiria eta inguruko zonaldeak Moskuk Krimean duen egoitza militarrik handiena bihurtu dela.