Turkiako zerbitzu sekretuek Estatu Islamikoaren burua hil dute, Erdoganen arabera

EITB MEDIA

Turkiako presidenteak ez du informazio gehiago eskaini balizko operazioaren inguruan, ezta Siriako zein lekutan izan den.

Orria entzun Orria entzun

Recep Tayyip Erdogan, Turkiako presidentea. EITB Mediaren artxiboko irudia.

Whatsapp
Whatsapp
twitt
Bidali
Esteka kopiatu

Recep Tayyip Erdogan Turkiako presidenteak iragarri du herrialdeko zerbitzu sekretuek —MIT gisa ezagunak— Abu al-Hussein al- Husseini al Qurashi, Estatu Islamikoaren burua, hil dutela Sirian egindako operazio batean.

Presidenteak ez du informazio gehiago eskaini balizko operazio horren inguruan, ezta Siriako zein lekutan izan den jakinarazi ere.

"MITek Estatu Islamikoaren buru den Abu al-Hussein al-Husseini al-Qurashiri jarraipena egin dio denbora luzez. Atzo Sirian neutralizatu zuten", adierazi zuen Erdoganek TRT telebista publikoan egindako elkarrizketa batean.

Abu al-Hussein al-Husseini al-Qurashik azaroaren 30ean hartu zuen talde horren buruzagitza, Abu al-Hasan al-Qurashiren ordez, Siriako Gobernuak kontrolatutako lurralde batean egindako ekintza batean hil baitzen, Siriako hegoaldean.