AEBko Gobernuak Twitterreko mezu pribatuetarako sarbidea zuen, Elon Musken arabera

Elon Musk Twitter sare sozialaren jabeak adierazi duenez, Ameriketako Estatu Batuetako Gobernuak erabiltzaileen mezu pribatuak ikusteko "erabateko sarbidea" zuen.

Fox News telebista kateari eskaini dion eta astearte honetan ikusi ahalko den elkarrizketa batean eman dituen azalpenen arabera, "harrituta" utzi zuen Gobernuko agentziek plataforman gertatzen den guztia ikusteko aukera dutela jakiteak.

"Ez nengoen horren jakitun", gaineratu du. The Hill egunkariaren arabera, Twitterreko mezu zuzenak ere irakur zitzakeen Gobernuak.

Adierazpen horiek NPR irratiak sare sozialetik alde egin eta egun batzuetara etorri dira, Twitterrek "AEBko Gobernuak finantzatutako bitarteko" izendatu zuelako.

NPR irrati kateak sare soziala utzi eta egun batzuetara egin ditu adierazpen horiek Elon Muskek. Zehazki, AEBko Gobernuak finantzatutako hedabidetzat jo zuen Twitterrek, eta ondoren etorri da erabakia.