Mundua
Irak
Gutxienez 125 lagun zauritu dira Bagdaden Irakeko Parlamentuan egindako bigarren erasoan
AGENTZIAK | ERREDAKZIOA
Muqtada al Sadr elizgizonaren jarraitzaileek Irakeko hiriburua hartu dute, Mohamed Shia al Sudani politikari xiitaren lehen ministrogaiaren aurkako protesten artean.
-
Irakeko Parlamentuan izandako bigarren erasoaren irudia. Argazkia: EFE
Gutxienez 125 lagun zauritu dira Bagdaden, Irakeko indar armatuen eta Muqtada al Sadr elizgizonaren jarraitzaileen arteko istiluetan. Larunbat honetan Irakeko Parlamentuan sartu eta indarrez hartu dute berriro, eta Irakeko hiriburua geldiarazi, Mohamed Shia al Sudani politikari xiitaren lehen ministrogaiaren aurka. al Sudani Iran herrialdearen aldekoa da, eta al Sadrreko etsai erlijiosoa.
Muqtada al Sadrreko aldekoek Bagdadeko zubi gehienak eta errepide nagusiak hartu dituzte, eta egoitza nagusiak inguratu. Bien bitartean, herrialdeko politikariek, Mostafa al Kazemi egungo lehen ministroak barne, lasaitasunerako deia egin dute.
Manifestariak bigarrenez sartu dira Parlamentura (lehenengoz joan den asteazkenean egin zuten). Horien aurka indarkeriarik ez erabiltzeko eskatu die segurtasun indarrei Mohamed al Halbusi Parlamentuko presidenteak.
Segundo asalto al parlamento de #Irak en 72 horas
— mikel ayestaran (@mikelayestaran) July 30, 2022
Los seguidores de Al Sader gritan en contra de la injerencia de #Iran https://t.co/sHM6eaXzhr
