Aljeriak adiskidantza ituna bertan behera utzi du, Espainiak Mendebaldeko Sahararekiko jarrera aldatu duelako

Duela ia bi hamarkada Espainiarekin adostutako adiskidantza ituna "berehala" bertan behera geratuko dela iragarri du Abdelmayid Tebune Aljeriako presidenteak, Mendebaldeko Saharan Madrilek Marokoren autonomia planari babes "bidegabea" eman diolako.
Jarrera politikoaren aldaketa justifikatzeko abiatutako kanpaina aurpegiratu die Algeriak Espainiako agintariei. Mendebaldeko Sahararen "potentzia administratzailea" izaten jarraitzen duena "betebehar juridiko, moral eta politikoak urratzen" ari dela salatu du Afrikako herrialdeak.
Zentzu horretan, Rabatek proposatutako autonomia "zilegi ez den legez kanpoko formula" bat dela azpimarratu du Aljerrek, "egintza burutuen" politika koloniala planteatzen duelako, "argudio faltsuen" bidez, APS albiste-agentzia ofizialak jakitera eman duenez.
2002an sinatutako Adiskidetasun eta Lankidetza Itunak "bi herrialdeen arteko harremanen garapena arautzen zuen orain arte", Aljeriako Presidentetzak gogorarazi duenez. Iragan martxoan Aljerreko Gobernuak Madrilgo enbaxadorea kontsultetara deitu zuen dagoeneko.
Ondorengo bi hilabeteetan, Aljeria "bazkide sendo eta fidagarri" bat dela nabarmentzen saiatu da Espainiako Gobernua. Horretarako, arlo energetikoan nazioarteko kontratuak beti bete izan dituela azpimarratu du Madrilek, krisi diplomatikoak gas horniduran eragina izan dezakeenik zalantzan jarriz.
Ekainaren 1ean emaniko erantzun parlamentarioan, "gaurko egoera, slots erreserbak eta merkaturatzaileen gaitasuna kontuan hartuta, datozen hilabeteetan ez da gas hornidura faltarik espero", azaldu zuen Espainiako Exekutiboak.
Espainiako Gobernuak Aljeriaren erabakia deitoratu du. Iturri diplomatikoek ziurtatu dutenez, "itunaren edukiarekin erabateko konpromisoa", berretsi du Exekutiboak, Aljeria "herrialde adiskidetzat" duelako.
Horregatik, "bi herrialdeen arteko lankidetza eta harreman bereziak aurrera eraman eta mantentzen jarraitzeko prest", azaldu da, "bi herrien onerako".
Abdulah Arubi Fronte Polisarioko ordezkariak Aljeriaren erabakia justifikatu du; izan ere, Mendebaldeko Sahararekiko "jarrera aldaketa erradikala" gertatu eta ia hiru hilabete geroago, Sanchezek ez dizkio "azalpenik" eman.
Polisarioko ordezkariaren ahotan, jarrera aldaketa hori "nazioarteko zuzenbidearen kontrakoa da, eta autodeterminazioa baztertzen du"; bereziki zaila den unean, Marokoren eta Aljeriaren arteko tentsioa "publikoa eta nabaria" delako, harremanik ez dutelako.
Zentzu horretan, Sanchezek Aljeria kontuan ez izatea deitoratu du Arubik. Fronte Polisarioko ordezkariaren hitzetan, Espainiarekin harreman hain "sendoak" ez direla begi-bistan utzi du asteazken honetako erabakiak, nahiz eta Espainiako buruzagiak adierazpen publikoetan kontrakoa azaltzen saiatu.
Bestalde, Pedro Sanchez Espainiako Gobernuko presidenteak Sahararen inguruan "jarrerak mugitzeko" eskatu die gainerako alderdiei asteazken honetan, Espainiako Gobernuak egin duen bezala, eta argi utzi du Ceuta eta Melilla "Espainiako lurraldeak" direla, eta hori Marokori argi utzi diola iragarri du.
Diputatuen Kongresuko osoko bilkuraren aurrean, Sanchezek defendatu du Marokok Sahararako duen autonomia plana dela gatazka konpontzeko "oinarririk sendoena, sinesgarriena eta errealistena", eta horrela ikusten dutela gero eta herrialde gehiagok; horien artean, Frantzia, Estatu Batuak eta Alemania aipatu ditu.
Albiste gehiago mundua
Trumpek hainbat herrialde zigortu eta beste batzuk saritu ditu muga-zergen bidez
Indiak eta Brasilek, BRICS nazioarteko erakundeko kideek (Errusia ere horien artean dago), ez dute lortu Trumpekin akordiorik. Kanadak ere zail ikus lezake negoziazioa, bereziki Palestinako Estatua ofizialki aitortuko duela iragarri ostean.
Ozeano Barea normal antzean, apaldu egin baita tsunamia izateko arrisku maila
Errusiak bertan behera utzi du tsunami alerta, eta Erdialdeko Amerikan eta Hego Amerikan erne jarraitzen dute, nahiz eta kasu gehienetan alarmak kendu dituzten.
Xabier Murelaga, EHUko geologoa: "Munduko lurrikaren % 80 baino gehiago Pazifikoko Su Eraztunean gertatzen dira"
EHUko Geologia saileko zuzendariak azaldu duenez, asteazken honetan lurrikara gertatu den eremua, Kamtxatka penintsula, Pazifikoko Su Eraztunaren parte da. 2011n, Japoniako kostaldea kaltetu eta Fukushimako istripu nuklearra eragin zuen lurrikara ere bertan jazo zen.
Hauek dira historiako 10 lurrikararik handienak
Asteazken honetan Errusiako Kamtxatka eskualdean epizentroa izan duen 8,8 graduko lurrikara inoiz erregistratu diren handienetan zortzigarrena da.
Kayed Hammad kazetari, ekoizle eta itzultzaile gazatarra: "Ezerk ez nau harritzen, denetarik ikusi dut"
Arantza Ruiz kazetariak Kayed Hammad itzultzaile gazatarra elkarrizketatuko du ETB2ko "12 minutos" saioan, 21:40tik aurrera. "Ezin dut negarrik ere egin, ezerk ez nau harritzen, denetarik ikusi dut. Batzuek beldurrezko filmak ikusi dituzte, errealitateak, ordea, fikzioa gainditzen du. Negar egin nahiko nuke, baina ezin dut", nabarmendu du.
Albiste izango dira: Tsunami alerta, Boiseko Jaialdia eta elkarrizketa Kayed Hammad itzultzaile gazatarrari
Gaurkoan albiste izango direnen laburpena, bi hitzetan.
Erdialdeko eta Hego Amerikako eremu zabalek adi jarraitzen dute tsunami mehatxua
Errusiako Kamtxatka eskualdean izan den 8,8 graduko lur-astinduaren ondoren ezarri dituzte alertak. Orduek aurrera egin ahala, baina, batzuk-batzuk indargabetu dituzte.
Hildakoak 60.000tik gora dira dagoeneko Gazan eta gosetea gizarte osora zabaltzen ari da
Hiru herritarretik batek hianbat egun ematen ditu jan gabe, eta 5 urtetik beherako haurrak desnutrizio arriskuan daude, NBEren arabera. Palestinarrek “proportzio epikoko hondamendi humanitarioa” bizi dutela dio erakundeak.
Erresuma Batuak iragarri du Estatu palestinarra irailean onartuko duela, Israelek baldintza batzuk betetzen ez baditu
Keir Starmer Erresuma Batuko lehen ministroak "Gazako hondamendiarekin" bukatzea, su-etena indarrean jartzea eta Zisjordania ez anexionatzea ziurtatzeko eskatu dio Israeli.
Israelgo hainbat GKEk Gazan genozidioa egiten ari dela leporatu diote Israeli, lehen aldiz
B'Tselem eta Physicians for Human Rights Israel (PHRI) Israelgo erakundeek Gobernuari leporatu diote Gazako Zerrendan genozidioa egiten ari dela. Lehen aldiz adierazi dute tokiko GKEek genozidiotzat jotzen dutela Israelek Palestinaren aurka egindako erasoaldia.