Suedia eta Finlandia NATOn sartzeko negoziazioa abiatzea oztopatu du Turkiak

AGENTZIAK | EITB MEDIA

Suedia eta Finlandia NATOn sartzearen aurka agertu da Turkia eta, ondorioz, aliatuen artean ez dago adostasun nahikorik bi herrialdeen eskariari bide emateko.

Orria entzun Orria entzun

Jens Stoltenberg NATOko idazkari nagusia, Suediaren eta Finlandiaren eskaerak eskuan dituela. EFE

Whatsapp
Whatsapp
twitt
Bidali
Esteka kopiatu

Suediak eta Finlandiak NATOn sartzea eskatu dute gaur ofizialki, baina Aliantza Atlantiarreko 30 herrialdeak oraingoz ez dira ados jarri prozedura abiatzeko, Europa Press agentziak zabaldu duenez.

NATOren Kontseiluak gaur bertan egin du lehenengo bilera bi herrialde horiek egindako eskaria aztertzeko, baina Turkiak ez du begi onez ikusten aukera hori, Suediak eta Finlandiak Kurdistango Langileen Alderdiarekin harremanak dituztela iritzita.

Ankarako Gobernuaren jarrera horren ondorioz, ez da adostasun nahikorik izan negoziazioa hasteko.

Gauzak horrela, Jens Stoltenberg NATOko idazkari nagusiak aldebiko bilerak egingo ditu herrialde aliatuekin egoera desblokeatzeko asmoz, Europa Press agentziak zehaztu duenez.

0:26