YPFren desjabetzearen legea plazaratu du Fernandez de Kirchnerrek

Cristina Fernandez Kirchner Argentinako presidenteak YPF Repsoletik desjabetzen duen legea plazaratu du.

Presidenteak esan duenez, YPF "profesionala izango da, baina horrek ez du esan nahi zuzendaritza politikorik izango ez duenik".

Legearen arabera, YPF S.A.ren eta YPF Gasaren akzioen % 51 desjabetu dira, eta lehentasunezko helburua "hidrokarburoen autohornikuntza, ustiaketa, industrializazioa eta merkaturatzea" izango da.

Desjabetutako akzioak Estatuaren (% 51) eta Hidrokarburoen Estatu Federal Ekoizleen Erakundearen ( % 49) artean banatuko dira. Probintziek, euren produkzio mailaren arabera jasoko dituzte tituluak.

YPFko zuzendari orokor berria 44 urteko ingeniaria da. Orain arte, Schlumberg enpresa erraldoiaren Latinoamerikako kargurik altuena izan da, eta AEBtan, Asian, Europan eta Latinoamerikan bertan, proiektu asko kudeatu diru.

1990eko hamarkadan dagoeneko YPFn lan egin zuen Galucciok. Bestetik, Mexikoko Schlumberger enpresako zuzendaria izan zen eta konpainia, Pemex Mexikoko Petrolioak enpresako lehentasunezko bazkide bilakatu zen.