Errusiak haur ospitale bat bonbardatu du Mariupolen

Mariupoleko haur ospitale baten kontrako aireko eraso bat salatu du gaur Volodimir Zelenski Ukrainako presidenteak. Horregatik, Ukrainan debekupeko aire-eremu bat ezartzea eskatu du berriro.

"Errusiako tropen eraso zuzena ospitaleko ama berrien atalaren aurka. Pertsonak, haurrak hondakinen azpian daude. Ankerkeria! Zenbat denbora gehiagoz izango da mundua terrorearen konplize? Itxi aire-eremua berehala", idatzi du Zelenskik Twitter sare sozialean.

"Hilketak gelditu. Boterea dute, baina errukirik ez dutela ematen du", erantsi du Ukrainako presidenteak.

Mariupol. Direct strike of Russian troops at the maternity hospital. People, children are under the wreckage. Atrocity! How much longer will the world be an accomplice ignoring terror? Close the sky right now! Stop the killings! You have power but you seem to be losing humanity. pic.twitter.com/FoaNdbKH5k

— ¿¿¿¿¿¿¿¿¿ ¿¿¿¿¿¿¿¿¿¿ (@ZelenskyyUa) March 9, 2022

Bestalde, Paylo Kyrylenko eskualdeko administrazio militarraren buruzagiak bideo bat argitaratu du Facebook sare sozialean, erasoak utzitako kalteak erakusteko.

"Hiriaren erdialdean, ospitalea, ama berrien atala, Errusiaren aire eraso batek guztia suntsitu du Mariupolen. Oraintxe bertan. Pilotu errusiarrak, litekeena da gizon deitzeko zalantzarik ez izatea, berriro botoia sakatu du, bonbak non lehertu behar zuen jakinik", idatzi du Facebooken.

"Estatuen eta herrien arteko harremanen muga zeharkatzea" leporatu die Errusiako indarrei, "gizatasunaren muga gainditu dute". "Gizaki deitzeari utzi!", gaineratu du.

Dimitro Kuleba Ukrainako Atzerri ministroak nazioarteari esku hartzeko eskatu dio hiriaren setioaren aurrean. Errusiako tropek 400.000 pertsona inguru bahiturik dituztela salatu du.

"Zibilen eta haurtxoen aurkako gerra anker hau gelditzea" eskatu dio Mendebaldeari. Kulebaren hitzetan, Errusiak "laguntza humanitarioa eta zibilen ebakuazioa blokeatzen du", eta "bonbardaketa gupidagabeek jarraitzen dute". "Ia 3.000 umetxok elikagaiak eta botikak behar dituzte. Munduari ekiteko eskatzen diot", erantsi du.

Russia continues holding hostage over 400.000 people in Mariupol, blocks humanitarian aid and evacuation. Indiscriminate shelling continues. Almost 3.000 newborn babies lack medicine and food. I urge the world to act! Force Russia to stop its barbaric war on civilians and babies!

— Dmytro Kuleba (@DmytroKuleba) March 9, 2022

Hiriko agintariek azaldu dutenez, hiru edo bost egunerako janaria dute.