Zelenski, sare sozialen konkistarantz Mendebaldearen babesaren bila

Volodimir Zelenski Ukrainako presidentea sare sozialak erabiltzen ari da herritarrekin eta Mendebaldearekin komunikatzeko, batez ere Errusiaren inbasioaren ostean. Berak grabatutako bideoen bitartez, baita telebistaren aurrean ere, Ukrainako buruzagiak Mendebaldeko iritzi publikoaren enpatia bilatzen du, ikuspuntu pertsonala aurkeztuz eta erresistentzia irudia proiektatuz.

Otsailaren 24an, Vladimir Putin Errusiako presidenteak Ukrainan sartzeko operazio militarra iragarri baino lehen, Zelenskik bideo bat argitaratu zuen, goizaldean. Putinekin hitz egin zuela eta inbasioa hastear zegoela esan zuen.

Ver esta publicación en Instagram

Una publicación compartida de ¿¿¿¿¿¿¿¿¿ ¿¿¿¿¿¿¿¿¿¿ (@zelenskiy_official)

Otsailaren 25ean, argitaratutako zalantzen aurrean, Zelenskik Kieven zegoela erakutsi zuen, bere Gobernuarekin batera grabatutako bideo batean. "Hemen gaude. Kieven gaude. Ukraina defendatzen ari gara", idatzi zuen.

Ver esta publicación en Instagram

Una publicación compartida de ¿¿¿¿¿¿¿¿¿ ¿¿¿¿¿¿¿¿¿¿ (@zelenskiy_official)

Gauza bera egin zuen biharamunean, Ukrainako hiriburuko presidentearen jauregiaren aurrean, mezu batekin: "Ez sinetsi faltsifikazioak".

¿¿ ¿¿¿¿¿ ¿¿¿¿¿¿. pic.twitter.com/wiLqmCuz1p

— ¿¿¿¿¿¿¿¿¿ ¿¿¿¿¿¿¿¿¿¿ (@ZelenskyyUa) February 26, 2022

Otsailaren 28an, selfie-ak albo batean utzi eta irudi solemneago bat hautatu zuen Europar Batasunean sartzeko eskaera ofiziala sinatzeko, gatazka armatuaren erdian.

0:42

Zelenskik Ukraina Europar Batasunean sartzeko eskaera sinatu du

Martxoaren 1ean, komunikazioan duen abilezia erakutsi zuen berriro, oraingoan Europar Parlamentuan egindako bideokonferentzia batean. Europar Batasuneko herritarren ordezkarien aurrean hitz egin zuen, sinbolismoz betetako hitzaldi batean.

1:20

Ukrainiako presidenteak dikurtso hunkigarria egin du Europar Batasuneko goi agintarien aurrean

Hurrengo egunean, Reutersi emandako elkarrizketa batean, beste behin berde militarrez jantzita, ikuspegi gizatiar bat erakutsi zuen, lurrean eserita. Elkarrizketa familiaren inguruan hitz egiteko aprobetxatu zuen, eta hura bukatzean, bere Gobernuko ordezkari batek Errusiako Armadaren bonbardaketa baten berri eman zion. Ingelesez egin zuen, Mendebaldeko agentzia baten kameren aurrean.

1:06

Reutersen elkarrizketa Volodimir Zelenskiri

Martxoaren 6an, ingelesezko azpitituluekin argitaratutako bideo batean, berriro eman zuen NATOri egindako eskariaren berri: Ukrainako aire espazioa ixteko. Aliantza atlantikoak behin baino gehiagotan errefusatu du, Errusiarekin gerran sartzea esan nahiko bailuke.

Breaking! pic.twitter.com/VCL5mpOVMi

— ¿¿¿¿¿¿¿¿¿ ¿¿¿¿¿¿¿¿¿¿ (@ZelenskyyUa) March 6, 2022

Bere azken mezua orain arte beste selfie bat izan da, oraingoan presidentearen bulego barrutik. Modu horretan, Moskuren "zinismoari" erantzun dio eta "Kieven jarraitzen duela" erakusi du.

1:06

Zelenskik Kieven jarraitzen duela erakutsi du