Milioi eta erdi errefuxiatu ukrainar baino gehiago joan dira inguruko herrialdeetara inbasioa hasi zenetik

agentziak | eitb media

ACNURen arabera, II. Mundu Gerratik Europan izan den errefuxiatu ihesaldi azkarrena izaten ari da.

Orria entzun Orria entzun

Errefuxiatu ukrainarrak Moldavian. Argazkia: Efe

Whatsapp
Whatsapp
twitt
Bidali
Esteka kopiatu

Albisteak (2)

galeriak (1)

ARGAZKIAK | Errefuxiatu oldea Europan

Errusiaren inbasioa hasi zenetik 1,5 milioi ukrainar errefuxiatuk baino gehiagok ihes egin dute inguruko herrialdeetara, Nazio Batuen Erakundeko Errefuxiatuen Goi batzordeak (ACNUR) gaur jakinarazi duenez. Horren arabera, II. Mundu Gerratik Europan izan den errefuxiatu ihesaldi azkarrena izaten ari da.

Poloniak, azken balantzearen arabera, errefuxiatuen erdia baino gehiago jaso du: 925.000 inguru Errusiaren erasoa hasi zenetik.

Beste 37.800 errefuxiatu Alemaniara iritsi dira inbasioaren hasieratik, bertako Barne Ministerioak baieztatu duenez.

INTERESEKOA: Herritarrak ateratzen saiatzeko aldi baterako beste su-eten bat ezarri dute Mariupolen

Kopuru horri Moskuk zenbatutako 181.000 (tartean 48.000 haur) gehitu behar zaizkio. Errusiako segurtasun indarrek gaur argitaratutako datuen arabera, guztiak Errusian daude.

GUERRA EN UCRANIA