Frantzian musukoaren eta covid ziurtagiriaren erabilera arinduko dute martxoaren 14tik aurrera

AGENTZIAK | EITB MEDIA

Egun horretatik aurrera, musukoa garraio publikoan soilik izango da derrigorrezkoa, eta covid ziurtagiri digitala ospitaleetan, osasun zentroetan eta adinekoen erresidentziatan sartzeko bakarrik eskatuko dute.

Orria entzun Orria entzun

Paris. Artxibko argazkia: EFE

Whatsapp
Whatsapp
twitt
Bidali
Esteka kopiatu

Datorren martxoaren 14tik aurrera, musukoa barrualdean erabiltzeko baldintzak arinduko dituzte Frantzian, eta erremu publiko gehienetan sartzeko ez dute covid ziurtagirik eskatuko.

TF1 telebistan egindako elkarrizketa batean, Jean Castex lehen ministroak zehaztu du egun horretatik aurrera garraio publikoetan soilik izango dela derrigorrezkoa maskara erabiltzea, jende pilaketak ematen direlako.

Joan den otsailetik musukoa aire librean erabiltzea ez da nahitaezkoa, betiere segurtasun tartea mantentzen bada.

Covid ziurtagiriari dagokionez, ospitaleetan, osasun zentroetan, adinekoen erresidentziatan eta pertsona zaurgarriak dauden tokietan sartzeko soilik eskatuko dute.