Ukrainako Gobernuak lasaitasunerako deia egin eta izurik ez zabaltzeko eskatu du

agentziak | eitb media

AEBk ohartarazi duen balizko errusiar inbasioak eragindako tentsio betean, Ukrainak ezinbestekotzat jo du "eraginkortasuna ahuldu eta izua eragin dezaketen ekintzak ekiditea". Putin eta Biden buruzagiek telefonoz hitz egingo dute gaur.

Orria entzun Orria entzun

Volodymyr Zelensky, Ukrainako presidentea. Artxiboko argazkia: EFE

Whatsapp
Whatsapp
twitt
Bidali
Esteka kopiatu

Albisteak (2)

Ukrainak lasai egoteko eta izurik ez zabaltzeko eskatu du larunbat honetan, AEBk datorren asterako balizko errusiar inbasio bat iragarri ondoren, eta mendebaldeko zenbait herrialdek herrikideei Ukraina uzteko eskatu eta gero.

"Orain ezinbestekoa da lasai egotea, herrialdean finkatzea eta egonkortasuna ahuldu dezaketen edo izua eragin dezaketen ekintzak ekiditea", adierazi du Ukrainako Gobernuko Kanpo Arazoetako Ministerioak, ohar batean.

Vladimir Putin Errusiako presidenteak Joe Biden AEBko presidenteari deituko dio larunbat honetan, Ukrainako krisiarekin lotutako tentsioa areagotu ondoren.

Gainera, ostiral honetan zenbait herrialdek hurrengo 24 edo 48 orduetan Ukraina uzteko eskatu zieten bertan dauden herrikideei.