Tsunami batek Tonga uhartea astindu du, sumendi baten erupzioa lehertu ondoren

Tsunami batek Tonga uharteko kostaldea astindu du larunbat honetan, Hego Pazifikoan, sumendi erupzio bortitz baten ondoren. Kalte materialak bai, baina, oraingoz, ez dute jakinarazi biktimarik dagoen.

Olatuek hondartzako lehen lerroko etxe eta eraikinak kolpekatu dituzte, eta inguru oso urpean geratu da berehala, etxeko teilatuan babesa hartu duten lekukoek sare sozialetan zabaldutako bideoetan ikus daitekeenez.

¿¿ ¿ La erupción freatomagmátic del Hunga Tonga-Hunga Ha'Apai ocurre en una isla recientemente formada por grandes explosionesa fines de diciembre del 2021. La columna eruptiva es tan alta que colapsa por su propio peso, formando flujos piroclásticos de gran alcance ¿¿ pic.twitter.com/MPFFYV5sBk

— EarthQuakesTime (@EarthQuakesTime) January 14, 2022

Bertako agintariek tsunami alerta ezarri dute herrialde osoan, Hunga-Tonga-Hunga-Ha'apai itsaspeko sumendiaren erupzioaren ostean. Tongatapu uhartea, 71.000 biztanleko nazio uhartetar honetako nagusia, 65 kilometrora dauka.

Lekukoen arabera, 17:20an lehertu da erupzioa sumendian, eta errautsezko hodei erraldoia jaurti du airera.

Tongako Zerbitzu Meteorologikoak itsaspeko sumendiak eragindako hodeiaren satelite-irudi bat zabaldu du. Sumendiak aktibitate gorakorraren seinaleak emanak zituen aurreko gauean, eta tsunami alerta ezarri zuten berehala.

Agintariek eremu altuenetara joateko eta errauts-euriaren aurrean babesteko musukoa erabiltzeko eskatu diote kostaldeko biztanleriari.