G7 taldeak % 15eko gutxieneko bazkun-zerga globala ezartzeko akordioa itxi du

Munduko ekonomia garatuenek (G7) akordio "historikoa" itxi dute Londresen, zerga sistema globala erreformatzeko, Rishi Sunak Erresuma Batuko Ekonomia ministroak iragarri duenez.

Horrela, erraldoi teknologiko multinazionalek zerga ekarpena egin beharko dute, adierazi Sunakek Twitter sare sozialean.

¿ At the @G7 in London today, my finance counterparts and I have come to a historic agreement on global tax reform requiring the largest multinational tech giants to pay their fair share of tax in the UK.

¿The thread below explains exactly what this means. #G7UK pic.twitter.com/HdcK1HuM91

— Rishi Sunak (@RishiSunak) June 5, 2021

G7ko ministroek (AEB, Erresuma Batua, Alemania, Frantzia, Kanada, Italia eta Japonia) % 15eko gutxieneko sozietate-zerga ezartzeko konpromisoa hartu dute.

Ituna G20aren (herrialde garatu eta azaleratu berriak) eta banku zentraletako gobernadoreen bileran aztertuko dute uztailean, Venezian.

"Gaur pozez zoratzen iragarri dezaket, urteetako eztabaidaren ostean, G7ko Finantza ministroek akordio historikoa adostu dugu, zerga sistema globala erreformatzeko", esan du Sunakek bilera amaitu ondoren. Lancaster House jauregitxoan bildu dira, Erresuma Batuko hiriburuaren erdialdean.

Ituna "aro digital globalera" egokitzeko pentsatu dute eta, "erabakigarria dena, bidezkoa dela ziurtatu, konpainiek (erraldoi teknologikoak) zerga egokia toki zuzenean ordaintzeko", erantsi du Ekonomia ministroak.

"Hemen adostutakoaren arabera, gutxienez % 15 (bazkun-zerga)", errepikatu du ministroak, portzentaje handiago baten alde ez egiteko erabakia defendatuz.

"Gutxienez hamar urte eraman ditu eztabaidak. Eta orain, gaur lehen aldiz, benetako oinarrien inguruko akordioa itxi dugu, eta aurrerapauso handia da", gaineratu du Sunakek. "Bidezko" sistema bat dela uste du Erresuma Batuko ministroak.

Ekonomia-Lankidetza eta Garapenerako Erakundeak uste du "desberdintasunekin eta desitxuratzeekin" amaitzeko modu bakarra dela.

Bestalde, "enpresei ziurtasun handiagoa" emango diela ziurtatu du Facebookek. Era berean, sare sozialak herrialde ezberdinetan "zerga gehiago ordaindu" beharko dituela onartu du.

Facebook has long called for reform of the global tax rules and we welcome the important progress made at the G7. Today’s agreement is a significant first step towards certainty for businesses and strengthening public confidence in the global tax system.

— Nick Clegg (@nickclegg) June 5, 2021

Ursula Von der Leyen Europako Batzordeko presidenteak adierazi duenez, akordioa "zuzentasunerantz pauso handia da".

I welcome this positive news from @G7 on minimum corporate tax.

The @EU_Commission business taxation communication pushes for modernisation & more international cooperation on business taxation.

This agreement is a big step towards fairness and a level-playing field. https://t.co/WSIEprhF60

— Ursula von der Leyen (@vonderleyen) June 5, 2021

Janet Yellen AEBeko Altxor idazkariak "aurrekaririk gabeko" akordioa dela esan du; izan ere, gutxieneko zerga bat ezartzeko "bultzada ikaragarria" da.

Azkenik, Pedro Sanchez Espainiako gobernuburuaren ahotan, "munduko konpainia erraldoiek ekarpen handiagoa egitea ahalbidetuko du".