Putinek Bidenen erasoari erantzun dio,"bere burua ispiluan ikustera" gonbidatuz
Errusiako presidente Vladimir Putinek "osasun ona" opa diola esanez erantzun dio bere homologo estatubatuarrari, Joe Bideni, honek agintari errusiarari "hiltzaile" deitu eta pasa den azaroaren 3ko AEBko lehendakaritzarako hauteskundeetan orain presidente ohi den Donald Trumpen alde azpijokoan jardun izanaz salatu ostean, AEBko Inteligentzia Zerbitzuaren txosten batek jasotzen zuenari jarraiki.
Salaketa horiei erantzunez, presidente errusiarrak "bere burua ispiluan ikusteko" gomendioa egin dio Bideni, izan ere, bere ustez, gizabanakook joera dugu "besteengan proiektatzeko geure buruaz ditugun iritziak".
Abiapuntu berri bat
Gobernu errusiarraren bozeramale Dimitri Peskovek Bidenen hitzei buruz atzo esan zuen, "oso adierazpen txarrak" direla eta ohartarazi zuen AEBkiko harremanei dagokionez abiapuntu berri bat ezartzen dutela.
Lehendik ere bi herrialdeen arteko harremanak nahiko kaxkarrak baziren, Peskoven iritziz Bidenen hitzek erakusten dute Washingtonek ez duela inongo borondaterik harreman hori hobetzeko; gaineratu zuenez, nola hobetu jakin nahi duenak ez dio Errusiari galdetu behar, AEBri baizik.
Kremlineko bozeramaleak ez zuen erantzun nahi izan AEBrekin harreman diplomatikoak hausteko aukeren inguruko galdera bati; haatik, azpimarratu zuen "historian aurrekaririk ez" duen gertakaria dela, eta ikuspuntu berri batean kokatzera behartzen dituela. "Esan dizuet zein izango den abiapuntua hemendik aurrera", esan zuen atzo eskaini zuen eguneroko prentsaurrekoan.
Errusiako Kanpo Gaietarako Ministerioko bozeramale Maria Zajarovak, bere aldetik, adierazi zuen AEBren azalpenen zain dagoela, Bidenek Putini jaurtitako hitzen harira.
Bidenen adierazpenak ezagutu bezain pronto, Moskura deitu zuten Washingtongo enbaxadore errusiar Anatoli Antónov, bi herrialdeen arteko harremanen etorkizuna aztertzeko. Errusiar senatuko presidenteorde Konstantin Koshakovek azaldu zuenez, "enbaxadorea kargutik kentzea oso neurri gogorra da" eta horren ostean, "ez dago harreman diplomatikoak haustea beste etorkizunik".
Albiste gehiago mundua
Aitor Zabalgogeazkoa: "Gazako janari banaketa sistema berria basakeria bat da"
Aitor Zabalgogeazkoak zortzi aste egin ditu Gazan Mugarik Gabeko Medikuak erakundearen larrialdietako koordinatzaile bezala lan eginez. Bere hitzetan, 22 hilabeteren ostean, "jendeak esperantza galdu du eta gosetea gero eta handiagoa da". Zabalgogeaskoak gertutik bizi izan du Israelek eta AEBk babesten duten janari banaketa puntuetan gertatzen dena. "Egunero egoten dira hildakoak eta zaurituak" eta askok buruan eta bularrean jasotzen dituztela tiroak adierazi du "Gaur Egun" albistegian egindako elkarrizketan.
Hogeita hamar bat kazetarik protesta egin dute Tel Aviven kazetari gazatarren hilketaren aurka
"Utzi Gazan kazetariak hiltzeari", irakur zitekeen, ingelesez, arabieraz eta hebreeraz idatzitako pankarta batean. Kazetariak ordu erdiz egon dira bilduta Israelgo Kazetarien Elkarte Nazionalaren egoitzaren atarian isiltasunean.
Gutxienez 26 pertsona hil dira Lampedusako kostaldean, ontzi bat hondoratuta
Desagertuen bila jarraitzen dute; izan ere, 95 bat migratzaile zihoazen goizaldean Tripolitik (Libia) abiatu diren bi ontzitan. Horietako batean ura sartzen hasi da, eta, ondorioz, pertsonak bestean ontziratu dira. 60 inguru erreskatatu dituzte.
Aitor Zabalgogeazkoa Gazatik itzuli berri da eta Zerrendako egoera "inoiz baino okerragoa" dela uste du
Bilbon komunikabideekin egindako topaketa batean, 2012ra arte Mugarik Gabeko Medikuak erakundeko zuzendari nagusi izan denak eta gaur egun larrialdietako koordinatzailea den Aitor Zabalgogeazkoak Gazan eman dituen azken zortzi asteak deskribatu ditu. Gaur gauean, "Gaur Egun" albistegian elkarrizketa egingo diote, Gazako Zerrendan bizi den egoera azaldu dezan.
Europako buruzagiek su-etena eskatu diote Trumpi, ostiralean Putinekin Alaskan egingo duen bileraren abiapuntu gisa
Macronen arabera, AEBko presidenteak bideokonferentziaz baieztatu die NATO ez dela Ukrainaren segurtasun bermeetan inplikatuta egongo. Gainera, Frantziako presidenteak azaldu du Trumpek bermatu diela Zelenskik bakarrik negoziatuko dituela Ukrainak Errusiari lagako omen dizkion lurraldeak.
Netanyahuren aurkako epaiketari azaroaren 2an helduko diote berriro, hainbat saio bertan behera geratu ostean
Israelgo lehen ministroak, funtzionario-eroskeria, iruzur eta konfiantza-abusu delituak leporatuta, astean hiru aldiz agerraldia beharko du data horretatik aurrera. Netanyahu Israelen historian jardunean dagoela epaitzen duten lehen gobernuburua da.
EBk negoziazioetan Ukrainak duen papera aldarrikatu du eta Errusia ohartarazi du, Hungariak sinatu ez duen mezu batean
"Ukrainako herritarrek beren etorkizuna erabakitzeko askatasuna izan behar dute. Ukrainako bake-bidea ezin da Ukraina gabe erabaki", ohartarazi dute, eta su-etena ezinbestekoa dela edozein aurrerapauso egiteko.
Trumpek beste 90 egunez luzatu ditu Txinarako muga-zergak
Txinako Merkataritza Ministerioak baieztatu duenez, Trumpen agindu exekutiboa baino apur bat lehenago, AEBren "ahaleginak" espero zituen "berdintasunean, errespetuan eta elkarrekiko onuran oinarritutako emaitza positiboa" lortzeko.
Trumpek Armada zabalduko du Washingtonen, eta Poliziaren kontrola bereganatu du
Agintari errepublikanoak krimenengatik kontroletik kanpo dagoen hiriburu baten irudia marraztu du Etxe Zurian egindako agerraldian. Hilketak "munduko okerrenak" diren lekuetan, Bogotan eta Mexiko Hirian, esaterako, baino askoz gehiago direla adierazi du.
Duela 66 urte Antartikan desagertutako zientzialari baten gorpua aurkitu dute
Gorpuzkiak Dennis "Tink" Bell meteorologoarenak dira, 1959an pitzadura glaziar batera erori zen 25 urteko britainiar meteorologoarenak.