Koronabirusa bere laborategitik atera izana ukatu du Wuhaneko birologo nagusiak

Agentziak | Erredakzioa

Halaber, birusak jatorri artifiziala edo sintetikoa izatea gezurtatu du. "Ez dago horren inolako frogarik", adierazi du.

Orria entzun Orria entzun

Bi zientzialari, Wuhaneko laborategian. Argazkia: Efe.

Whatsapp
Whatsapp
twitt
Bidali
Esteka kopiatu

Albisteak (3)

Munduan 2,16 milioi positibo kasu erregistratu dira eta 90.000 kutsatu berri daude
Koronabirusaren datuak berrikusi ostean 1.290 hildako gehiago zenbatu dituzte Wuhanen
Wuhanen bidaiatzeko murrizketak bertan behera utzi dituzte, hiru hilabeteren ostean

Txinako Wuhan hiriko Birologia Institutuko buruak gezurtatu egin ditu gaixotasuna bere laborategitik atera zela dioten zurrumurruak. Koronabirusa Wuhanen hasi zen eta Donald Trump AEBetako presidenteak Wuhaneko laborategietan sortu zela iradoki zuen larunbatean.

"Birusa ez da inola ere hemendik atera", esan du Yuan Zhiming ikertzaileak. "Oso ondo dakigu zer nolako ikerketak egiten ditugun eta birusak era laginak nola kudeatzen ditugun", esan du CGTN kateari emandako elkarrizketa batean.

Zientifikoak esan du ez duela bere langileen arteko kutsatzeen berririk, eta jendeak "asko pentsatu gabeko ondorioak ateratzea" ulertzen duen arren, “jendea nahita engainatzea” oso arriskutsua dela azpimarratu du.

Halaber, birusak jatorri artifiziala edo sintetikoa izatea gezurtatu du Zhimingek. "Ez dago inolako frogarik", esan du.

Donald Trumpen adierazpenak

Wuhaneko birologoaren adierazpenak Donald Trumpek birusaren inguruko susmoak hauspotu eta 24 ordura iritsi dira. Trumpek esan zuen birusa Wuhaneko laborategi batean sortu izanak ez zitzaiola arrotz egiten. "Zentzua duela ematen du", esan zuen presidenteak prentsaurreko batean.

Kontuan izan osasun agintariek koronabirusaren aurrean eman dituzten aholkuak. Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Gaitzaren sintomarik baduzu, EAEn bizi bazara, ohiko zure osasun-zentrora deitu. Era berean, zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, Osasun Batzordearen telefonora dei dezakezu: 948 290 290. Gogoratu, COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak gomendagarriak dira sintomak badituzu edo adineko pertsonekin edo immunodeprimituekin harremanetan bazaude, edo eta garraio publikoa erabiltzen baduzu. Dena dela, horien erabilera ez da derrigorrezkoa.