Txinan inor ez da kutsatu azken 24 orduetan, agerraldia hasi zenetik lehenengo aldiz

agentziak | erredakzioa

Hala ere, 34 kasu berri atzeman dituzte, baina denak atzerritik iritsitako pertsonak ziren.

Orria entzun Orria entzun

1:18

Whatsapp
Whatsapp
twitt
Bidali
Esteka kopiatu

Albisteak (2)

Txinak koronabirusaren aurkako txertoa garatu du, eta gizakietan probatuko du
Kutsatze mailak goia jo ondoren, koronabirusa dutenen kopurua jaisten ari da Txinan

Bideoak (2)

Txinako Osasun Ministerioak jakinarazi du ez dela koronabirus kasu berririk atzeman azken 24 orduetan ez Wuhanen, pandemiaren erdigunean, ez Txina osoan.

Hala ere, herrialdean 34 koronabirus kasu berri atzeman dituzte, baina guztiak atzerritik iritsitako pertsonak dira, eta orotara 189 dira beste herrialde batzuetatik birusarekin iritsitakoak.

Asteazken honetan positibo eman duten 34 horietatik, 21 Pekinen izan dira, 9 Guangdong probintzian, 2 Shanghain, bat Heilongjiangen eta beste bat Zhejiangen.

Hala, agintari txinatarrek zabaldutako azken datuen arabera, 80.928 kasu atzeman dituzte, eta 3.245 pertsona hil dira koronabirusarekin.

Bestalde, 819 laguni senda-agiria eman diete, eta guztira 70.420 dira gaixotasunetik sendatuta ospitaletik atera direnak. Dena den, 7.263k ospitaleratuta jarraitzen dute.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Zalantzarik baduzu edo gaitza hedatu den gune batera bidaian joan ostean sintomarik baduzu, Osasun Kontseiluaren telefonora dei dezakezu: 900 20 30 50 (EAE) eta 948 290 290 (Nafarroa). Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak bakarrik dira gomendagarriak sintomak badituzu edo adineko pertsonekin edo immunodeprimituekin harremanetan bazaude.