Evo Moralesek Carlos Mesarekin neurtuko ditu indarrak bigarren itzulian

Evo Morales presidente boliviarrak Carlos Mesa oposizioko buruarekin neurtuko da indarrak bigarren itzulian. Seguruenik, abenduan egingo dute, Boliviako Hauteskunde Auzitegi Gorenak igandean aurreikusitako emaitzak betez gero.

Hauteskundeak laugarren aldiz jarraian irabazten saiatu da Morales, baina botoen % 45,28 lortu ditu oraingoan, eta, beraz, bigarren itzulia beharko du. Botoen % 83,76 zenbatu ostean, oposizioko buruak botoen % 38,16 lortu ditu, behin-behineko datuen arabera.

Emaitzak egiaztatzekotan, 2002tik lehen aldiz jo beharko du Moralesek bigarren itzulira. Orduko hartan, Gonzalo Sanchez de Lozadaren (2002-2003) aurka galdu zuen, baina ordutik Bolivian egin dituzten hiru hauteskundeetan gehiengo oso zabala lortuta nagusitu da.

Atzerapena botoen zenbaketan

Amerikako Estatuen Erakundeak aurretiazko botoen zenbaketan izandako bat-bateko etenaldia azaltzeko eskatu dio Boliviako Hauteskunde Auzitegi Gorenari.

Misión de Observación Electoral d OEA sigue dando seguimiento riguroso al proceso electoral en #Bolivia. Fundamental q el TSE explique pq se interrumpió la transmisión de resultados preliminares y q el proceso de publicación de los datos del cómputo se desarrolle de manera fluida

— OEA (@OEA_oficial) October 21, 2019